Pas takimit me Trump në Alaskë, Putin njofton se Moska është në bisedime me Uashingtonin për projekte të përbashkëta në Arktik 22/08 22:59
Tarifat në rritje të vendosura nga Presidenti i SHBA-së, Donald Trump, mbi importet nga vendet e tjera mund ta ulin deficitin me 4 trilionë dollarë gjatë dekadës së ardhshme, sipas një vlerësimi të publikuar sot nga Zyra e Buxhetit të Kongresit (CBO).
Nëse rritjet e tarifave vazhdojnë, rritja e të ardhurave do të tkurrte deficitet primare me 3.3 trilionë dollarë dhe do të ulte interesin që vendi paguan për borxhin e tij federal me 0.7 trilionë dollarë gjatë dekadës së ardhshme, tha CBO, një agjenci kongresive dypartiake.
Megjithatë, tarifat e larta aktuale mund të mos zbatohen në të ardhmen, pasi negociatat me partnerët tregtarë të SHBA-së vazhdojnë dhe disa sfida ligjore janë gjithashtu në pritje. Por të ardhurat shtesë mund të mbulojnë deficitet e shkaktuara nga ligji i taksave i miratuar nga republikanët këtë vit. Zyra e Borxhit të Shtetit vlerësoi se zbatimi i këtij ligji, i cili parashikon ulje të taksave dhe shpenzimeve, do ta rriste deficitin me 3.4 trilionë gjatë dhjetë viteve të ardhshme.
Borxhi federal i SHBA-së është 37.18 trilionë dollarë, sipas Departamentit të Thesarit. Ai ka vazhduar të rritet nën administratat republikane dhe demokratike, dhe Kongresi vazhdon të miratojë rritje të shpenzimeve për qeverinë federale.
Deri në fund të shtatorit, Kongresi do të duhet të miratojë projektligje që rrisin përsëri shpenzimet për të shmangur një mbyllje të qeverisë.
Tarifat mbi vendet dhe produktet qëndruan mesatarisht në 16.7% në gusht, duke u rritur ndjeshëm krahasuar me 15.1% që ishin në fuqi në qershor.
Top Channel
