“Ishte një mashtrim mizor”, policia rrethon universitetin privat në Pensilvani pas një telefonate të rreme 22/08 00:52
Presidenti ukrainas Volodymyr Zelensky ka akuzuar Rusinë se ka goditur qëllimisht një biznes amerikan gjatë një sulmi ajror të fundit, duke e cilësuar veprimin si sulm të drejtpërdrejtë ndaj pronës dhe investimeve amerikane në Ukrainë.
Në fjalimin e tij të përnatshëm, Zelensky deklaroi se një kompani amerikane që prodhon pajisje elektronike dhe shtëpiake, “nuk ka asgjë ushtarake”, është “praktikisht djegur nga raketat ruse”.
“Rusët e dinin saktësisht se ku i lëshonin raketat. Ne besojmë se kjo ishte një goditje e qëllimshme ndaj një kompanie amerikane që operon në Ukrainë,” tha Zelensky.
Kompania në fjalë, sipas burimeve paraprake, është Flex, një biznes amerikan me prani të zgjeruar në Ukrainë. Më herët gjatë ditës, autoritetet kishin konfirmuar se një sulm gjatë natës goditi objektet e saj, duke plagosur disa punonjës, por pa shkaktuar viktima.
In Mukachevo, the Russians practically burned down an American company producing electronics—home appliances, nothing military. The Russians knew exactly where they lobbed the missiles. We believe this was a deliberate attack against American property and investments in Ukraine. pic.twitter.com/1TiadwmAqk
— Volodymyr Zelenskyy / Володимир Зеленський (@ZelenskyyUa) August 21, 2025
Pasojat politike: Rusia po zhbën premtimet?
Zelensky gjithashtu theksoi se kjo lëvizje nuk përputhet me angazhimet që Rusia kishte dhënë vetëm pak ditë më parë, gjatë samitit në Alaskë me presidentin amerikan Donald Trump. Ai la të kuptohet se Kremlini po tërhiqet nga premtimet për ulje të tensioneve, duke zgjedhur në vend të kësaj të godasë interesa të huaja në territorin ukrainas.
“Ky është një sinjal i qartë se Rusia nuk ka ndërmend të ndalë agresionin, por përkundrazi po zgjerohet drejt përshkallëzimit të konfliktit, tashmë edhe me pasoja ndërkombëtare,” tha presidenti ukrainas.
Kjo deklaratë ka shkaktuar jehonë në qarqet diplomatike perëndimore, ndërsa SHBA pritet të reagojë mbi impaktin e drejtpërdrejtë të sulmit mbi një kompani amerikane në një zonë lufte.
Top Channel
