Reuters zbulon 3 kushtet e Putinit për paqen në Ukrainë: Nëse Kievi refuzon, lufta vazhdon 21/08 19:21
Një përleshje e dhunshme shpërtheu në një anije turistike Carnival pasi pasagjerët u përleshën ndërsa prisnin në radhë për ushqim.
Videoja e përleshjes tregon një grup pasagjerësh të rinj që shkëmbejnë grushte dhe hedhin njëri-tjetrin në tokë, ndërsa pasagjerë të tjerë mblidhen përreth për të parë kaosin.
Rojet u përpoqën të ndërhynin dhe njëri prej tyre u largua nga përleshja dhe nxori radio-telefonin e tij.
Pasagjerët shkëmbyen grushte dhe këpucë, ndërsa telefonat celularë u hodhën në dysheme. Shumë kalimtarë regjistruan përleshjen, me njërin që bërtiste: “Ku është sigurimi?”
Mike Terra, i cili filmoi incidentin dhe postoi videon në mediat sociale dy ditë më parë, e ktheu kamerën ndërsa filmonte dhe tha: “Është çmenduri që po zihen për copëza pule.” Sherri shpërtheu të hënën – ditën e fundit të udhëtimit të saj – ndërsa anija po kthehej në Miami, sipas një pasagjeri që filmoi incidentet.
Terra i tha New York Post: Nuk ishim aq afër sa të dinim pse filloi (sherri), thjesht e dinim se po prisnin në radhë për ushqim.”
Anija u nis nga Miami të enjten e kaluar dhe bëri dy ndalesa në Bahamas përpara se të kthehej në Florida të hënën. Carnival nuk iu përgjigj kërkesës së gazetës për koment.
Top Channel
