Nga Toka në hapësirë! Panelet diellore të NASA-s mund të sigurojnë energji të qëndrueshme për të gjithë Europën deri në mes të shekullit 21/08 20:04
Presidenti i Dhomës Amerikane të Tregtisë në Ukrainë, Andy Hunder, ka bërë një thirrje të fortë publike ndaj Donald Trump-it, duke kërkuar që presidenti amerikan të marrë masa kundër agresionit rus, i cili sipas tij, po dëmton drejtpërdrejt interesat amerikane.
“Rusia vazhdon të shkatërrojë dhe të poshtërojë bizneset amerikane. Nuk është më vetëm një luftë kundër Ukrainës, është një sulm i drejtpërdrejtë ndaj vlerave dhe lidershipit amerikan,” deklaroi Hunder.
Ai shtoi se kompania amerikane Flex, e cila operon në Ukrainë, ishte goditur gjatë sulmeve ajrore të fundit nga forcat ruse. “Fatmirësisht nuk pati viktima në mesin e punonjësve, por rreth një duzinë personash mbetën të plagosur,” tha ai.
Hunder i kërkoi Trump-it që të qëndrojë në krah të bizneseve amerikane në Ukrainë dhe të mbështesë përpjekjet për të ndaluar përparimin rus: “Rusia nuk po kërkon paqe, ajo po synon të dobësojë ndikimin dhe praninë e SHBA-së në rajon.”
Overnight, Russian missiles attacked one of the largest American investments in Ukraine – Flex – an active member of the American Chamber of Commerce.
Russia continues to destroy and humiliate US businesses in Ukraine, targeting companies that invest and trade on the US stock… pic.twitter.com/jrHYRUTxbU
— Andy Hunder (@AndyHunder) August 21, 2025
Ndërkohë, Donald Trump ka pohuar më herët se një garanci sigurie për Ukrainën mund të vijë përmes një marrëveshjeje për mineralet, duke inkurajuar praninë e bizneseve amerikane në vend si një formë përmbajtjeje ndaj Rusisë.
Top Channel
