I gatshëm për njohjen e shtetit palestinez, kryeministri australian “sulmohet” nga Netanyahu: Politikan i dobët që tradhtoi Izraelin

Në një konferencë për media të mërkurën, kryeministri australian, tha se gjithmonë angazhohet me udhëheqësit e tjerë në mënyrë diplomatike dhe se deklaratat e Netanyahut nuk janë personale. “Ai ka bërë gjëra të ngjashme edhe për liderë të tjerë,” shtoi ai.

Australia ka vendosur të njohë një shtet palestinez në Asamblenë e Përgjithshme të OKB-së në shtator, një vendim që ka tensionuar marrëdhëniet mes dy vendeve.

Ministri australian për Punët e Brendshme, Tony Burke, tha se fuqia nuk matet nga numri i të vrarëve apo i të uriturve, por nga vendimet që udhëheqësit marrin në mënyrë të drejtë dhe të guximshme.

Netanyahu reagoi në rrjetin X duke deklaruar: “Historia do ta mbajë mend Albanese si një politikan të dobët që tradhtoi Izraelin dhe hebrenjtë australianë.”

Albanese tha se kishte informuar paraprakisht Netanyahun për vendimin e Australisë dhe i kishte dhënë mundësinë të paraqiste një zgjidhje politike. “I dhashë mundësinë të shpjegonte zgjidhjen e tij politike dhe i ofrova një mundësi për dialog,” shtoi kryeministri australian.

Tensionet diplomatike u rritën këtë javë kur Izraeli revokoi vizat e diplomatëve australianë të akredituar pranë Autoritetit Palestinez, pasi qeveria e Albanese kishte anuluar vizën e një ligjvënësi izraelit për deklarata të konsideruara kontestuese dhe inflamatore.

Situata vjen ndërsa Izraeli përballet me presion ndërkombëtar për ofensivën e tij ushtarake në Rripin e Gazës, e cila ka shkaktuar viktima civile në mijëra dhe ka përplasur shumicën e popullsisë në një krizë humanitare. Konflikti filloi pothuajse dy vjet më parë pas sulmit të militantëve të udhëhequr nga Hamas në jug të Izraelit, ku u vranë 1,200 persona dhe u morën 251 pengje.

Top Channel