Lufta në Ukrainë/ Beteja për Pokrovskun vazhdon, Rusia pretendon avancimin në qytet, ukrainasit e mohojnë 11/11 08:00
Gjatë vizitës së tij në Shtëpinë e Bardhë të hënën, Presidenti ukrainas Volodymyr Zelensky i dhuroi Presidentit të SHBA-së Donald Trump një shkop golfi të veçantë, një dhuratë që ia kishte dhënë një ushtar i plagosur ukrainas.
Klubi më parë ishte në pronësi të Kostiantyn Kartavtsev, një rreshter i ri i cili humbi këmbën në muajt e parë të pushtimit të plotë të Ukrainës nga Rusia, sipas zyrës presidenciale të Ukrainës. Golfi u bë pjesë e rehabilitimit të rreshterit të ri, i tha Zelensky Trump ndërsa i jepte dhuratën.
“Zelensky tregoi gjithashtu një video në të cilën Kostiantyn Kartavtsev i bën thirrje Presidentit të SHBA-së që të ndihmojë Ukrainën të përfundojë luftën me një paqe të drejtë dhe të qëndrueshme”, tha zyra presidenciale e Ukrainës në një deklaratë. “Donald Trump e pranoi dhuratën, regjistroi një video duke falënderuar luftëtarin ukrainas për shkopin e golfit dhe i dhuroi Presidentit të Ukrainës çelësat simbolikë të Shtëpisë së Bardhë.”, tha më tej zyra presidenciale ukrainase.
Shkëmbimi i dhuratave përfaqëson një tjetër ndryshim toni nga vizita e mëparshme e Zelensky-t në Shtëpinë e Bardhë, kur Trump dhe zëvendëspresidenti JD Vance e kritikuan ashpër presidentin ukrainas, duke e quajtur atë të pa respekt dhe mosmirënjohës para kamerave të botës.
Dje, Trump dhe Zelensky bënë shaka për ndryshimin e veshjeve të tij, një ndryshim i dukshëm nga bashkëveprimi i tyre në shkurt, pasi një gazetar i krahut të djathtë e kritikoi Zelenskyn që nuk kishte veshur kostum. Zelensky, i veshur me një xhaketë të zezë të ngushtë, këmishë të zezë dhe pantallona të zeza, i tha me shaka të njëjtit gazetar: “Ti je me të njëjtin kostum. Unë ndërrova, ti jo.”
Top Channel
