Netanyahu akuza të rënda kryeministrit Albanese: Ka braktisur komunitetin hebre në Australi dhe ka tradhtuar Izraelin! 19/08 15:49
Ministri i Jashtëm i Rusisë, Sergei Lavrov, ka vlerësuar pozitivisht takimin mes ish-presidentit amerikan Donald Trump dhe presidentit rus Vladimir Putin, i zhvilluar së fundmi në Alaska.
Duke folur për televizionin shtetëror rus Rossiya 24, Lavrov tha se atmosfera e takimit ishte “shumë e mirë” dhe theksoi se Trump dhe ekipi i tij “sinqerisht duan të arrijnë një rezultat që do të jetë afatgjatë, i qëndrueshëm dhe i besueshëm”.
Sipas Lavrov, Trump është treguar i hapur për një marrëveshje paqeje mes Rusisë dhe Ukrainës, pa pasur nevojë për një armëpushim paraprak. Ky qëndrim është i ngjashëm me atë të presidentit rus Putin, por bie ndesh me qëndrimet e udhëheqësve evropianë.
“Udhëheqësit e Evropës kanë këmbëngulur në çdo hap vetëm për një armëpushim dhe se pas kësaj do të vazhdojnë të furnizojnë me armë Ukrainën”, deklaroi Lavrov.
Ndërkohë, Trump është shprehur se një marrëveshje paqeje mund të arrihet edhe gjatë zhvillimit të luftimeve, duke sinjalizuar një qasje më fleksibile ndaj konfliktit në Ukrainë.
Top Channel
