Të martën e 19 gushtit, vendi ynë do të ndikohet nga kushte atmosferike relativisht të qëndrueshme.
Pjesa më e madhe e territorit pritet të ketë mot me kthjellime, ndërsa nga mesdita deri në orët e pasdites vonë do të shfaqen vranësira mesatare, kryesisht në zonat kodrinore dhe malore.
Në këto zona, vranësirat do të shoqërohen me reshje shiu të dobëta e me karakter lokal. Në relievet e larta malore, reshjet do të shfaqen në mënyrë të izoluar edhe në formën e shtrëngatave afatshkurtra.
Sipas Shërbimit Meteorologjik Ushtarak (SHMU), era do të fryjë nga veriperëndimi – verilindja me shpejtësi 2-7 m/s, ndërsa përgjatë vijës bregdetare dhe në zonat luginore hera-herës do të arrijë deri në 8-10 m/s.
Deti parashikohet me dallgëzim të lehtë, me forcë 1-2 ballë.
Top Channel
