Moska paralajmëron: NATO të mos e çojë botën drejt një përplasjeje të rrezikshme 19/08 17:49
Presidenti i Shteteve të Bashkuara, Donald Trump, ka deklaruar se ka ndërmjetësuar për një takim të mundshëm mes Presidentit rus, Vladimir Putin, dhe atij ukrainas, Volodymyr Zelensky.
Në një intervistë për Fox News, Trump dha më shumë detaje mbi përpjekjet e tij për të sjellë palët në një tryezë bisedimesh.
“E kam rregulluar disi me Putinin dhe Zelenskyn. Në fund të ditës, ata janë ata që duhet të vendosin. Ne jemi 7,000 milje larg,” u shpreh Trump.
Ai shtoi se ka komunikuar drejtpërdrejt me Presidentin Putin dhe po përpiqet të koordinojë një takim me Presidentin Zelensky.
“Telefonova Presidentin Putin dhe po përpiqemi të caktojmë një takim me Zelenskyn. Do të shohim se çfarë ndodh. Nëse funksionon, do të shkoj më tej dhe do ta përmbyll këtë çështje,” tha ai.
Sipas Trump, raportet mes dy liderëve janë pak më të mira se sa pritej.
“Mendoj se po shkojnë pak më mirë me njëri-tjetrin nga sa kisha menduar më parë. Po të mos ishte kështu, do të kisha organizuar një takim treshe mes nesh. Por për momentin duket se ka pak më shumë mirëkuptim, edhe pse ende ka tensione dhe përplasje,” përfundoi Trump.
Top Channel
