Trump 40 minuta në telefon me Putinin: Po përgatis takimin me të dhe Zelenskin 19/08 00:56
Vetëm pak orë pas takimit të Donald Trump me presidentin rus Vladimir Putin të premten, presidenti amerikan zhvilloi një telefonatë me presidentin ukrainas Volodymyr Zelensky, për ta informuar mbi kërkesat e Putinit, një marrëveshje paqeje në këmbim të dorëzimit të territorit ukrainas.
Nëse Zelensky do t’i pranojë kushtet e Putinit për të hequr dorë nga toka ukrainase, diçka që ai e ka refuzuar gjithmonë, ai rrezikon të përballet me pakënaqësi të thellë brenda vendit.
Sondazhe të shumta tregojnë se shumica e ukrainasve janë kundër idesë së dorëzimit diplomatik të territoreve, të cilat Rusia nuk arriti t’i pushtonte ushtarakisht.
Dhënia e asaj që dëshiron Putini mund të sjellë trazira politike në Kiev dhe të rrezikojë seriozisht lidershipin e Zelenskyt.
Por kjo e vendos presidentin ukrainas në një pozitë pothuajse të pamundur: nëse ai refuzon publikisht ofertën e Putinit përpara Trumpit, ekziston rreziku që ky i fundit të ndërpresë sërish ndihmën ushtarake për Ukrainën.
Disa paralajmërojnë se takimi i sotëm mund të shndërrohet në një “tradhti si ajo e Mynihut”, duke iu referuar marrëveshjes së vitit 1938, kur udhëheqësit evropianë ia dorëzuan Sudetenland-in e Çekosllovakisë Hitlerit, në përpjekje për të shmangur Luftën e Dytë Botërore.
Akti i pajtimit nuk funksionoi dhe dështoi ta ndalonte luftën që pasoi.
Shumë ukrainas kanë frikë se Putini e di mirë këtë: një Ukrainë e dobësuar do të ishte shumë më e lehtë për t’u pushtuar. Sido që të shkojë, ky takim e vë Zelenskyn përballë zgjedhjeve tepër të vështira.
Top Channel
