Takimi në Shtëpinë e Bardhë, Starmer: Garancia e sigurisë do të ishte hap historik 18/08 21:46
Mesazhi i tretë i Donald Trump nëpërmjet Truth Social, përpara takimit të shumëpritur me Volodymyr Zelensky dhe udhëheqësit evropianë në Shtëpinë e Bardhë, ishte i qartë!
“Në gjashtë muajt e fundit, kam zgjidhur 6 luftëra, njëra prej të cilave mund të kishte shkaktuar një katastrofë bërthamore. Megjithatë, më duhet të dëgjoj Wall Street Journal dhe shumë të tjerë, të cilët realisht nuk kanë asnjë ide, të më thonë se çfarë po bëj gabim në situatën Rusi/Ukrainë, e cila është lufta e fshehtë e Joe Biden, jo e imja. Personalisht, jam këtu për ta ndaluar atë, jo për ta çuar më tej”, tha Trump.
“Nëse do të isha president, kjo nuk do të kishte ndodhur kurrë. E di saktësisht çfarë po bëj dhe nuk kam nevojë për këshillat e njerëzve që kanë punuar me këto konflikte për vite me radhë dhe që nuk kanë arritur kurrë të bëjnë asgjë për t’i ndaluar ato.
Këta të ashtuquajtur “ekspertë” janë “budallenj”, pa mendje të shëndoshë, inteligjencë apo mirëkuptim, dhe vetëm sa e bëjnë situatën në Ukrainë më të vështirë. Pavarësisht sulmeve të kritikëve të mi sipërfaqësorë dhe shumë xhelozë, unë do t’ia dal. Unë gjithmonë ia dal”, theksoi presidenti amerikan.
Top Channel
