Hamasi kundërshton planin izraelit për të zhvendosur banorët nga Gaza: Është një valë e re gjenocidi 17/08 14:11
Pippo Baudo ka pasur dy fëmijë, i pari prej të cilëve, Alessandro, ka lindur në vitin 1962 dhe është njohur nga ai në vitin 1996. Ndërsa Tiziana është bërë ndihmësja e tij personale.
Më e njohura nga lidhjet e tij ka qenë ajo me Katia Ricciarelli. Por Pippo Baudo, që ka ndërruar jetë sot në moshën 89-vjeçare, ka pasur histori të rëndësishme dashurie, shpesh me gra të njohura në botën e spektaklit.
Dashuria e tij e parë e madhe ishte me Mirella Adinolfi – një histori e fshehtë. Nga kjo lidhje lindi një djalë, Alessandro, në vitin 1962, të cilin prezantuesi do ta njihte vetëm në vitin 1996. “Unë e kam dashur me të vërtetë Mirella Adinolfi. Kemi qenë bashkë për shumë kohë, edhe pse ajo ishte e martuar dhe nënë e dy fëmijëve”, rrëfeu prezantuesi në një intervistë për revistën Gente në vitin 2000. Në atë kohë, për shkak të ligjeve dhe moralit, nuk ishte e lehtë të njihje fëmijë të lindur jashtë martese. Mirella Adinolfi sot jeton në Australi. Martesa e parë e Baudos ndodhi disa vite më vonë, ai u martua me Angela Lippi, me të cilën në vitin 1970 pati një vajzë, Tiziana, e cila më vonë do të bëhej edhe ndihmësja e tij.
Lidhja me aktoren Alida Chelli zgjati shtatë vjet, ndërsa më e shkurtra ishte ajo me Adriana Russo. Për Alida Chellin (aktore e njohur, ndër të tjera për rolin në komedinë muzikore “Rugantino” dhe bijë e kompozitorit Carlo Rustichelli), Baudo shprehej: “Alida ka qenë një grua e rëndësishme dhe një artiste e jashtëzakonshme, por që nuk besonte shumë në vetvete”.
Por dashuria më e famshme, ajo që mori faqet e para të revistave rozë dhe zuri vend në kronikat e viteve ’80, ishte ajo me këngëtaren lirike Katia Ricciarelli. Ata u njohën në Sanremo në vitin 1985, ku sopranoja ishte e ftuar, dhe më pas u martuan më 18 janar 1986 në një ceremoni shumë mediatike. Pas 21 vitesh, ata u ndanë me divorc.
Dasma u zhvillua në Militello, vendlindja e Baudos, pikërisht në ditëlindjen e 40-të të Ricciarellit, ndërsa Pippo ishte 10 vjet më i madh. Në dalje nga bashkia, i priste një turmë fotografësh dhe kameramanësh: ishte “dasma mbretërore” e vitit në Itali. Për muajin e mjaltit zgjodhën Moskën, jo për arsye romantike, por sepse këngëtarja kishte një seri koncertesh të planifikuara atje. Fotot e tyre përpara Mauzoleumit të Leninit kanë hyrë në histori.
Pas 18 vitesh, martesa përfundoi po aq mediatikisht sa kishte nisur. Kronikat rozë flisnin për tradhti e grindje të shpeshta. Divorci u finalizua vetëm në vitin 2007, pasi u arrit një marrëveshje për mirëmbajtjen financiare. Më pas, marrëdhëniet e tyre u qetësuan. “Ishim të lidhur, ai e donte botën time, unë e respektoja të tijën”, tha ajo për Rairadio2.
Reagimet pas vdekjes së Pippo Baudos, në transmetim të drejtpërdrejtë
“Jam shumë e tronditur nga kjo lajm”, tha sot Katia Ricciarelli për AdnKronos. “Nuk e shihnim më njëri-tjetrin, por nuk mund të harrohen 18 vjet bashkë. Nuk besoja se ishte e vërtetë, sepse shpesh janë përhapur lajme të rreme për vdekjen e tij. Pavarësisht se çfarë ka ndodhur mes nesh dhe se si përfundoi, ne u martuam nga dashuria. Gjithmonë kam thënë se Pippo ka qenë numri 1 dhe një person i jashtëzakonshëm profesionalisht. Kur u pamë në Verona pas shumë kohësh që nuk flisnim, u përqafuam sikur të mos kishte ndodhur kurrë asgjë. Kjo do të thotë të jesh një njeri inteligjent. Dhe kur të vijë dita që unë të vdes, shpresoj të takohem sërish me Pippon për të qeshur së bashku.”
Top Channel
