Takimi mes Trump dhe Zelenskyt në Zyrën Ovale! JD Vance do të jetë sërish pjesë e bisedimeve, çfarë pritet të ndodhë 16/08 23:01
Një ngjarje e rëndë ka tronditur Milanon në natën e Ferragostos.
Një grua 64-vjeçare, Nunzia Antonia Mancini, dyshohet se ka vrarë partnerin e saj prej më shumë se 40 vitesh, Vincenzo Ferrigno, 73 vjeç.
Sipas hetimeve paraprake, gruaja fillimisht e goditi disa herë me thikë të moshuarin, i cili ndodhej në gjumë, dhe më pas e mbyti me jastëk. Pas ngjarjes, ajo ka zbritur në rrugë dhe ka telefonuar policinë duke thënë: “E vrava, nuk ia dilja më.”
Policia dhe ekipet e emergjencës mbërritën në banesën e çiftit, në katin e dytë të një pallati në Milano, ku gjetën trupin e pajetë të Ferrignos në shtrat.
Viktima, ish-shitës gazete, kishte pësuar disa goditje në tru gjatë viteve të fundit dhe gjendja e tij shëndetësore ishte përkeqësuar ndjeshëm muajt e fundit.
Në dëshminë e saj para prokurores Maria Cristina Ria, Mancini ka shpërthyer në lot duke thënë: “Nuk mundesha më të kujdesesha për të.”
Ajo është arrestuar dhe po mbahet në paraburgim, ndërsa hetimet vijojnë për të përcaktuar me saktësi rrethanat e krimit.
Top Channel
