Tragjedi në Nepal, orteku godet bazën e alpinizmit, 7 viktima dhe 5 të plagosur 03/11 18:41
Delegacioni rus në Alaska duket se ka dalë i kënaqur pas takimit me Donald Trump.
Në një video të shkurtër të ndarë në Telegram, Ministri i Mbrojtjes i Rusisë, Andrey Belousov, pyetet nga agjencia shtetërore e lajmeve Tass se si ndihet pas takimit Trump–Putin.
“Shkëlqyeshëm,” thotë ai, duke buzëqeshur.
Ndërsa Kirill Dmitriev, përgjegjës për negociatat me Shtetet e Bashkuara, tha pas samitit: “Shkoi shumë mirë, humori është shkëlqyeshëm.”
Ndërkohë ambasadori rus në SHBA tha se Moska është e gatshme për të rifilluar trafikun ajror me SHBA-në. Rusia ka përgatitur dokumentet për të rifilluar trafikun ajror me Shtetet e Bashkuara. Këtë e zbulon agjencia Tass, duke cituar fjalët e ambasadorit rus në Uashington: “Janë në fazë diskutimi.”
Alexander Darchiev beson se samiti Rusia–SHBA do të përshpejtojë normalizimin e marrëdhënieve diplomatike, përfshirë çështjen e kthimit të pasurive diplomatike të konfiskuara, dhe e përshkroi atmosferën si “pozitive në përgjithësi”.
Top Channel
