“Është koha për t’i dhënë fund luftës, ne mbështetemi te Amerika”, Zelensky per takimin Trump-Putin: Të hapet rruga drejt paqes 15/08 15:53
Një përmbytje e menjëhershme ka shkaktuar tragjedi të madhe në Kashmirin e administruar nga India, ku të paktën 60 persona kanë humbur jetën dhe dhjetëra të tjerë rezultojnë ende të zhdukur.
Ngjarja ndodhi të enjten në fshatin Chositi, në distriktin Kishtwar, një zonë e largët dhe e njohur si ndalesë për pelegrinët hindu që vizitojnë faltoren e Machail Mata në Himalaje.
Sipas autoriteteve lokale, më shumë se 100 persona janë plagosur, ndërsa shumë të mbijetuar po marrin ndihmë mjekësore në spitalin e distriktit në Kishtwar.
Kryeministri i Xhamu dhe Kashmirit, Omar Abdullah, konfirmoi bilancin tragjik gjatë një fjalimi për Ditën e Pavarësisë në Srinagar, duke theksuar se operacionet e kërkim-shpëtimit janë në vijim dhe do të intensifikohen në orët në vijim.
Sipas raportimeve nga terreni, një rrëke uji, balte dhe mbeturinash u vërshua me shpejtësi të madhe poshtë një kodre, duke përfshirë dhjetëra njerëz dhe duke shkatërruar gjithçka në rrugën e saj. Chositi, si pika e fundit e aksesueshme me automjet përpara se pelegrinët të nisen në këmbë drejt faltores, ishte i mbushur me vizitorë në kohën e fatkeqësisë.
Zyrtarët dyshojnë se përmbytja mund të jetë shkaktuar nga një breshëri resh, një dukuri e zakonshme në rajonet malore gjatë sezonit të musonit, edhe pse kjo ende nuk është konfirmuar zyrtarisht nga departamenti meteorologjik i Indisë.
Autoritetet lokale dhe ekipet e emergjencës po punojnë për të gjetur të mbijetuar nën baltë dhe rrënoja, ndërsa dhimbja dhe ankthi rritet mes familjarëve të viktimave dhe pelegrinëve të mbijetuar.
Top Channel
