Donnarumma konfirmoi largimin nga PSG, reagon trajneri Enrique: Ishte 100% vendimi im, më duhej një portier tjetër 12/08 21:52
Liverpooli po vë në shënjestër një nga talentet më premtues të mbrojtjes italiane, 18-vjeçarin Giovanni Leoni, i cili tashmë quhet “Cannavaro i ri”.
Mbrojtësi i gjatë 1.96m dhe me një sezon shumë premtues në Serie A me Parmën, ka tërhequr vëmendjen e klubeve më të mëdha të Europës, ndër to edhe Reds nga Premier League.
Leoni shkëlqeu sezonin e kaluar në Serie A duke luajtur 17 ndeshje, dhe është shpallur si një nga mbrojtësit më të vlefshëm nën 21 vjeç në Itali, me vlerë tregu që ka shkuar në 18 milionë euro. Ai u rrit në sistemin rinor të Padovas dhe më pas kaloi te Cittadella para se të bënte debutimin profesional në Serie C vetëm pak muaj pas ditëlindjes së 16-të.
Interes për shërbimet e tij kanë shfaqur jo vetëm klubet italiane si Inter, Juventus dhe AC Milan, por edhe disa skuadra nga Premier League, ku Liverpool dhe Newcastle United kanë qenë të pranishëm në skautimin e tij. Liverpooli, që kërkon të forcojë mbrojtjen, e konsideron Leonin një investim afatgjatë me potencial të madh.
Trajneri i Parmës dhe ish-mbrojtësi legjendar Christian Chivu, i cili e ka ndjekur nga afër, tashmë është larguar te Interi dhe pritet të përpiqet ta ribashkojë me Leonin në Milano, por Liverpool duket se është shumë afër për të fituar garën për këtë talent.
Ekspertët e merkatos parashikojnë që Parma kërkon një shifër rreth 40 milionë euro për Leonin, por klubi anglez është gati të përmbushë kërkesat, duke përfshirë edhe bonuset dhe klauzolat e mundshme
Me një kombinim të lartësisë, shkathtësisë atletike dhe inteligjencës në pozicionim, Leoni konsiderohet si mbrojtësi që do të mbajë gjallë traditën e mbrojtësve të mëdhenj italianë në futbollin modern.
Top Channel
