Për herë të parë shfaqet ish-presidenti i Federatës Spanjolle pas dënimit: Puthja me Jennin? Duhej të kisha një sjellje më presidenciale 12/11 00:32
Jasir Asani duket se do të kalojë disa muaj të vështirë nëse nuk ia del që të sigurojë marrëveshjen me skuadrën e Guang-ju që ta lejojë të transferohet që tani te Esteghlal në Iran.
Sulmuesi i Kombëtares shqiptare gjeti akordin me klubin iranian për transferimin në janar, kur t’i përfundonte kontrata me klubin korean. Këtij të fundit duket se nuk i ka pëlqyer vendimi i sulmuesit të Kombëtares dhe ka nisur hakmarrjen, duke e lënë Asanin për të dytën javë radhazi jashtë listës së grumbullimit për ndeshjet e kampionatit, edhe pse futbollisti është padyshim ylli i ekipit.
Koreanët dëshironin në fakt që Asani të rinovonte kontratën, ose të paktën të fitonin diçka financiarisht nga shitja e tij, ndaj vendimi i lojtarit për t’u larguar si futbollist i lirë nuk është pritur mirë në klub. Qëndrimi kundër tij është përsëritur edhe këtë fundjavë, në ndeshjen ndaj Pohjang, në të cilën Asani nuk figuron në listën e skuadrës.
Zgjidhja e vetme në këtë pikë mbetet që dy klubet të gjejnë akordin që Asani të lejohet të transferohet që tani te Esteghlal, gjë që është edhe qëllimi i klubit iranian, i cili e kishte bërë të ditur këtë hipotezë që kur njoftoi për firmën me të një javë më parë.
Top Channel
