Pamje të frikshme! Mediat ukrainase publikojnë momentin kur ish-kryetari i parlamentit u qëllua për vdekje 30/08 15:47
Alec Luhn, një gazetar amerikan i cili kishte humbur gjatë një ecjeje në një park kombëtar në Norvegji, është gjetur i gjallë, sipas Kryqit të Kuq Norvegjez.
Luhn u gjet afër Parkut Kombëtar Folgefonna u transportua menjëherë për trajtim mjekësor, njoftoi organizata në një postim në platformën X të mërkurën.
“Jemi shumë, shumë të lumtur! Falënderime të shumta për të gjithë ata në Norvegji që ndihmuan në gjetjen e tij,” tha gruaja e tij, Veronika Silchenko, për mediat lokale pas gjetjes së bashkëshortit të saj.
Sipas Svein Buer, menaxher emergjence në policinë e Hardanger, Luhn ishte gjetur me disa dëmtime në këmbë.
Gazetari, i njohur për punën e tij në klimë, ishte raportuar i humbur nga gruaja e tij të hënën, pasi ai nuk arriti të hipte në fluturimin për t’u kthyer në shtëpi. Silchenko kishte biseduar me Luhn për herë të fundit të enjten, kur ai po nisej në ecjen e tij, por duke pasur parasysh se sinjali i telefonit mund të jetë i dobët në natyrë, ajo nuk u shqetësua menjëherë, deri disa ditë më vonë.
Kryqi i Kuq Norvegjez njoftoi të mërkurën se kërkimi për Luhn kishte rifilluar mëngjesin e asaj dite, dhe se një ekip i madh vullnetarësh ishte aktivizuar, duke përfshirë ekipe të specializuara për ngjitje dhe dronë.
Operacioni për kërkimin e Luhn filloi të hënën dhe u zgjerua deri të martën. Ingeborg Thorsland, një përfaqësuese e Kryqit të Kuq Norvegjez, tha për CNN se operacioni përfshinte një territor të gjerë dhe se shirat e mëdha kishin vështirësuar navigimin.
38-vjeçari ka punuar për disa media të njohura ndërkombëtare, përfshirë National Geographic, The Guardian, The New York Times dhe The Atlantic. Aktualisht, ai bën jetesën në Londër, pas disa viteve të jetuara në Moskë dhe Stamboll.
Top Channel
