Ndahet nga jeta violinisti i shquar shqiptar Robert Papavrami 04/08 21:09
Koncerti “Meloditë e Mesdheut”, i realizuar nga sopranoja me famë ndërkombëtare Inva Mula, solli një mbrëmje të veçantë në Amfiteatrin antik të Durrësit, ku muzika dhe historia u bashkuan në një skenë magjike.
Për herë të parë, Inva Mula interpretoi në këtë monument të Antikitetit, duke sjellë një repertor të zgjedhur për publikun durrsak dhe pushuesit e shumtë vendas e të huaj që ndoqën koncertin.
Artistja u shoqërua nga instrumentistët e mirënjohur Ekland Hasa në piano dhe Redi Hasa në violinçel, si dhe nga kori i fëmijëve “Okarina”.
Publiku, që mbushte arenën dhe shkallaret e Amfiteatrit si rrallëherë, përjetoi një udhëtim muzikor përgjatë brigjeve të Mesdheut, përmes tingujve që sollën frymën e përbashkët kulturore të rajonit.
“Meloditë e Mesdheut” gjallëruan bukur artistikisht netët durrsake të këtij sezoni turistik.
Top Channel
