“Rusia shprehu dëshirën për t’u takuar me Trumpin”, Shtëpia e Bardhë: Presidenti do që kjo luftë brutale të marrë fund 06/08 22:02
Përplasja e Alexander Isak me Newcastle u përshkallëzua sot kur sulmuesit iu urdhërua të stërvitej veçmas nga shokët e ekipit dhe të qëndronte larg një barbeque në fushën e stërvitjes gjatë drekës.
Eddie Howe, trajneri i Newcastle, kishte organizuar mbledhjen për lojtarët dhe stafin e tij, partneret dhe fëmijët e tyre, por Isakut iu tha të shtynte mbërritjen e tij për stërvitje dhe të stërvitej vetëm deri vonë në pasdite.
Pjesa tjetër e skuadrës ishte vënë në provë nga Howe ndërsa ata u rimblodhën për herë të parë që nga fluturimi i tyre gati 15-orësh nga Seuli.
Isak mungonte nga udhëtimi para-sezonal në Singapor dhe Korenë e Jugut, pasi sulmuesi suedez u përpoq të detyronte një transferim për tek Liverpool.
Edhe pse klubi pretendoi se një tendosje e vogël në kofshë e kishte penguar atë të ishte pjesë e turit në Azinë Juglindore, skanimet nuk treguan shenja dëmtimi.
Në vend që të stërvitej ose të merrte trajtim në Newcastle, Isak fluturoi për në Spanjë tek ish-klubi i tij Real Sociedad, ku u stërvit vetëm për pjesën më të madhe të javës së kaluar.
Howe tha se mësoi për këtë ekspeditë përmes medias dhe para se të largohej nga Seuli tha se lojtarët që shfaqin “sjellje të keqe” mund të humbasin të drejtën për t’u stërvitur me skuadrën e tij.
“Duhet ta fitosh të drejtën për t’u stërvitur me ne. Ne jemi Newcastle United. Lojtarët kanë përgjegjësi të jenë pjesë e një ekipi dhe e një skuadre. Asnjë lojtar nuk mund të presë të sillet keq dhe të stërvitet me grupin. Duhet të sillesh në mënyrën e duhur”, tha tekniku britanik.
Liverpulit i është refuzuar një ofertë prej 110 milionë paundësh për Isak, por Newcastle beson se do të kthehen me një ofertë më të lartë sapo të gjendet një zëvendësues i përshtatshëm. Kjo kërkesë ka rezultuar frustruese, pasi objektivi i tyre të fundit, Benjamin Sesko të RB Leipzig, gati për t’u bashkuar me Manchester United.
Top Channel
