“Mbiemër i rëndë, por jo për mua”/ Debutim ëndrrash në Seria A për nipin e Mussolinit, i riu i jep fitoren Cremoneses pas 10 minutash në fushë 29/08 22:30
A i janë shkelur apo jo të drejtat në burg kryebashkiakut të Tiranës Erjon Veliaj?
Me këtë pyetje Ahmet Prenci,komisioneri kundër torturës pranë avokatit të popullit ka nisur verifikimet në burgun e Durrësit jo vetëm për të paraburgosurin VIP por edhe për të tjerë, qofshin ata ish funksionarë apo qytetarë të thjeshtë.
Por intervistimi i kryebashkiakut nga Avokati i Popullit, që pritet të reflektohet në një raport përbën lajm mbas pretendimeve se Erjon Veliaj u shoqërua në një spital për kontroll mjekësor nga një numër të lartë gardianësh e për më tepër përmendet se u largua prej këtyre ambienteve ende pa i dalë narkoza. Ky version hidhet poshtë nga drejtoria e përgjithshme e burgjeve që insiston se ka respektuar çdo të drejtë të Erjon Veliajt, një e vërtetë tashmë do të sqarohet nga Avokati i Popullit.
Veliaj u mor i pandehur pak ditë më parë dhe ju komunikuan akuzat në burg. Nga arrestimi i tij, rrethi i të akuzuarve u zgjerua mes tyre edhe një oficer police marrë i pandehur mbasi i dha telefonin funksionarit lokal, si edhe një numër i lartë shoqërish pa lënë mënjanë edhe deputeten Klodilta Bushka dyshuar se u përfshi në skenarin për të ibntimiduar dëshmitarët.
Avokatët e Veliaj kanë kërkuar kohë deri në 24 shtator për të bërë prapësimet e tyre, ndërsa raporti për trajtimin e tij në burg nuk do të jetë konfidencial.
Sakaq Altin Dumani pranoi gjatë një takimi informal se veç dosjes Veliaj e të tjerë SPAK ka hapur edhe një fraksion të ri, ende nën shqyrtim.
Top Channel
