Sulmi në shkollën katolike në Minneapolis, rikthehet debati për ndalimin e armëve në SHBA 28/08 22:50
Dite të mira për Dinamon. Pas vështirësive pa fund për më shumë se një dekade, që vunë në diskutim deri mbijetesën e klubit, më në fund 18 herë kampionet tanë, po shijojnë frutet e punës së një riorganizimi të plotë.
Blutë e kryeqytetit, rikthimin në kupat e Europës pas 15 vitesh e festuan me një kualifikim të merituar në harkun e dy ndeshjeve ndaj Atletic Escaldes të Andorrës, që e katapulton Dinamon në raundin e tretë të Conference League, por i siguron edhe 900 mijë euro përfitime nga UEFA. Gjithashtu, rritja e nivelit te skuadrës së drejtuar nga trajneri Ilir Daja ka tërhequr interesin e klubeve të huaja për elementë të veçantë, sikurse është rasti i sulmuesit Itodo Mandela, i cili do të trasferohet te Metalist 1925 në Ukrainë, për të cilin Dinamo do të përfitojë 600 mijë euro, si dhe do të ruajë pronësinë për 10% të kartonit.
Itodo Mandela
1.5 milion euro të arkëtuara deri më tani, nga suksesi në fushe dhe shitja e një prej yjeve të saj, e vendosin Dinamon në pozita mjaft të favorshme për të tentuar suksese të reja në Europë, ku kundërshtar te radhës do të kenë kroatet e Hajduk Split, në shitjen e yjeve të tjerë, ku Zabergja është në pole position, por edhe për të përforcuar radhët me elemente cilësorë në funksion te objektivi madhor për sezon e ri.
Top Channel
