Për herë të parë pas ndarjes nga jeta të Mbretëreshës Elizabeth II, Princi Harry rikthehet në Londër 29/08 21:17
Këngëtari i njohur amerikan, Justin Timberlake, ka treguar për herë të parë se është diagnostikuar me sëmundjen Lyme.
Në një postim në Instagram, 44-vjeçari ndau me ndjekësit e tij detaje nga kjo përvojë e vështirë, menjëherë pas përfundimit të turneut të tij botëror “Forget Tomorrow”.
“Kam kaluar dy vite të lodhshme, por edhe të paharrueshme në skenë. Kur përfundoi gjithçka, vendosa të flisja hapur për atë që po ndodh me mua”, shkruan ai.
Timberlake e përshkroi sëmundjen si “jashtëzakonisht rraskapitëse” dhe shtoi se simptomat e saj e kanë shoqëruar gjatë gjithë turneut, duke ndikuar në energjinë dhe performancën e tij. “Kur dola në skenë dhe ndihesha nervoz, i sëmurë dhe i rraskapitur, nuk e kuptoja çfarë po ndodhte. Diagnoza më shpjegoi gjithçka”, tha këngëtari.
Ai pranoi se kishte një dilemë të madhe: ta ndërpriste turneun apo të vazhdonte. “Vendosa të qëndroj në skenë dhe t’ia dal, sepse dashuria për publikun ishte më e fortë se lodhja që ndjeja.”
Justin Timberlake shprehu mirënjohje për mbështetjen e familjes, miqve dhe fansave, duke shtuar se vendosi të ndante këtë përvojë për të ndërgjegjësuar të tjerët për sëmundjen Lyme, që shpesh mbetet e panjohur për publikun e gjerë.
Top Channel
