Turneu i futbolli për fëmijë në Luginën e Preshevës me mbështetjen e FSHF, presidenti Duka vizitë historike në komunën e Bujanocit 28/07 20:56
Arabia Saudite po bëhet gjithnjë e më shumë një destinacion i preferuar për yjet e futbollit evropian – dhe Al Nassr po përgatit një tjetër “goditje”.
Pas transferimit të Joao Felix, tani klubi i Cristiano Ronaldos ka hedhur sytë nga një tjetër emër të njohur: Antony i Manchester United.
Sipas TeamTALK, Al Nassr ka paraqitur një ofertë konkrete për anësorin brazilian, ndërsa Antony është gati të bëjë valixhet për një aventurë të re në Lindjen e Mesme. Negociatat mes klubeve janë në zhvillim, me “Djajtë e Kuq” që kërkojnë rreth 43.7 milionë paund për ta lënë të lirë ish-lojtarin e Ajax-it.
Pas një periudhe të trazuar në “Old Trafford”, ku nuk arriti të përmbushë pritshmëritë e larta, Antony duket i vendosur për të nisur nga e para – këtë herë në një kampionat ku shumë ish-yje të Europës kanë gjetur stabilitet dhe sukses financiar.
Me Ronaldon që vazhdon të ketë ndikim të madh te Al Nassr, duket se ai po tërheq gjithnjë e më shumë ish-shokë të tij nga Manchester United drejt Arabisë Saudite.
Top Channel
