Ministri i Jashtëm Italian: Ne do ta njohim shtetin e Palestinës nëse ajo njeh Izraelin 25/07 19:16
Aeroplani me 49 persona që pak orë më parë humbi nga radarët në Rusi, është gjetur i rrëzuar në shpatin e malit pranë aeroportit Tynda, nga ekipet e shpëtimit.
Sipas asaj që raportojnë zyrtarët lokalë, kërkimet për të mbijetuarit vazhdojnë edhe pse shanset që të ketë janë tepër të vogla.
Ministria lokale e emergjencave tha se avioni An-24, i operuar nga linja ajrore Angara Airlines me seli në Siberi, u zhduk nga radarët ndërsa po i afrohej destinacionit të tij në Tynda, një qytet i largët në rajonin Amur në kufi me Kinën.
Autoritetet thanë se pjesë të rrënojave që digjeshin u zbuluan 15 km larg aeroportit Tynda në një shpat mali.
Mediat ruse publikuan pamje që tregonin tym të dendur që ngrihej mbi një pyll të dendur në vendin e përplasjes.
Russian An-24 plane with 49 aboard crashes in Amur region
Wreckage of crashed AN-24 plane found 15 km from Tynda, Russia. All passengers are feared dead from the crash. pic.twitter.com/WNtYRKNm2a
— China Perspective (@China_Fact) July 24, 2025
Guvernatori rajonal, Vasily Orlov, tha se sipas të dhënave paraprake, në bord kishte 43 pasagjerë, përfshirë pesë fëmijë, dhe gjashtë anëtarë të ekuipazhit.
“Të gjitha forcat dhe mjetet e nevojshme janë vendosur për të kërkuar aeroplanin”, shkroi ai në Telegram.
Mosfunksionimi dhe gabimi njerëzor po konsideroheshin si shkaqe të rrëzimit të avionit në Tynda, tha komiteti hetimor i transportit të vendit.
An-24 është një avion rajonal me dy turbohelikë i projektuar nga Byroja e Dizajnit Antonov e Bashkimit Sovjetik në fund të viteve 1950. I njohur për qëndrueshmërinë dhe aftësinë e tij për të operuar nga pistat e pashtruara, ai u përdor gjerësisht në rajone të largëta të Rusisë dhe Azisë qendrore, shkruan Guardian.
Top Channel
