Dietat yo-yo ndryshojnë bakteret e zorrëve për një kohë të gjatë, ja çfarë thotë studimi i fundit 22/07 21:10
Princi George buzëqesh para kamerës, me shprehjen e një djali gjithnjë e më të pjekur, në një portret të ri të postuar në profilet e mediave sociale të prindërve të tij, William dhe Kate, me rastin e ditëlindjes së tij të dymbëdhjetë.
Djali më i madh i trashëgimtarit të fronit Britanik dhe gruas së tij u fotografua jashtë në Norfolk nga Josh Shinner, një nga fotografët e preferuar të Princit dhe Dukeshës së Uellsit, në fillim të këtij viti, i mbështetur në një gardh.
Postimi i Pallatit të Kensingtonit i shpreh urimet më të mira princit, të shoqëruara me një ikonë që përshkruan një tortë. Urime për ditëlindjen mbërritën gjithashtu nga gjyshi i tij, Mbreti Charles III dhe Mbretëresha Camilla, gjithashtu nëpërmjet mediave sociale.
George pritet të festojë privatisht me familjen e tij. Princi, i dyti në radhë në Shtëpinë e Windsor pas babait të tij, kohët e fundit mori pjesë në finalen e Wimbledon midis Jannik Sinner dhe Carlos Alcaraz me prindërit dhe motrën e tij Charlotte (ndërsa vëllai i tij më i vogël Louis mungonte). Kampioni italian i tenisit, pas triumfit të tij në fushën me bar, foli me dy princat e rinj dhe u dha autografe mbi topat e tenisit të dyve.
Top Channel
