Dietat yo-yo ndryshojnë bakteret e zorrëve për një kohë të gjatë, ja çfarë thotë studimi i fundit 22/07 21:10
Brooklyn Beckham ka marrë shumë komente negative pas një këshille gatimi “të neveritshme” që u dha ndjekësve të tij, teksa përgatiste makarona në një jaht luksoz me ujë deti.
Beckham i la miqtë e tij online pa fjalë kur, në një video që postoi të hënën, më 21 korrik, ndau një recetë për spageti me salcë domatesh në Instagram, por uji për zierjen e makaronave vinte nga deti. Siç shihet në videon që postoi, ai e filloi procesin e gatimit duke zhytur një tenxhere në ujë në det, ndërsa më pas tregoi hapat për salcën.
Shikoni videon
Pati mjaft njerëz që komentuan negativisht përdorimin e ujit të detit nga Brooklyn Beckham. Edhe pse ushqimi i 26-vjeçarit dukej mjaft i mirë në pamje, ndjekësit e tij nuk e fshehën kundërshtimin e tyre ndaj kësaj këshille të veçantë.
Disa folën me zë të lartë për faktin se uji që ai përdori vinte nga deti – të cilin shumë e konsideronin potencialisht të kontaminuar. Konkretisht, një person shkroi: “A i bëre makaronat me ujë pishine? “, ndërsa një tjetër komentoi: “Kur të ulesh në tualet për herë të katërt brenda 30 minutash, do të kuptosh se burimi i ujit që more nuk ishte veprimi më i mençur.” Një koment tjetër iu referua mikrobeve që mund të jenë të pranishme në ujë: ” Padyshim, gatimi i makaronave me ujë deti, ku ka anije që derdhin vaj dhe E. coli, nuk është zgjedhja më e mirë që mund të bësh. Është e neveritshme të përdorësh atë ujë.”
Megjithatë, pati edhe disa që vlerësuan aftësitë e tij në gatim, me një komentues: “Punë e mirë! Të shoh që gatuan edhe në një jaht. Bravo!” me një tjetër që shtoi: “Më pëlqejnë këshillat e tua të gatimit, Brooklyn, puthje.”
Top Channel
