SHBA dhe Venezuela rivendosin marrëdhëniet diplomatike pas arrestimit të Maduros, rihapet ambasada amerikane në Karakas 06/03 09:10
Presidenti amerikan, Donald Trump shënoi gjashtë muaj në detyrë duke postuar një seri sulmesh në orët e vona të natës dhe imazhe e video me inteligjencë artificiale në mediat e tij sociale, për ish-presidentin amerikan, Barack Obama.
Dhjetra postime në Truth Social përfshinin një video të gjeneruar nga inteligjenca artificiale të Barack Obamës duke u arrestuar në Shtëpinë e Bardhë dhe një foto të rreme të ish-presidentit.
Trump i tha ish-presidentit të “kërkonte avokat” pas zbulimeve që lidhnin zyrtarët e epokës së Obamës me origjinën e hetimit të FBI-së për Rusinë. Thirrja erdhi pasi zyrtarët e administratës Trump dhe media konservatore promovuan gjerësisht dokumente të deklasifikuara dhe deklarata publike që sugjeronin se ata luajtën një rol qendror në atë që Trump e ka quajtur “Russian Hoax”, mashtrimi rus.
Videoja me AI, e bërë nga një llogari pro-MAGA, e portretizonte Obamën me një kostum portokalli, të shoqëruar me mesazhin “Askush nuk është mbi ligjin”.
Zyrtarë të tjerë të shënjestruar në videon e prodhuar përfshijnë ish-drejtorin e FBI-së, James Comey, ish-këshilltaren e Sigurisë Kombëtare Susan Rice dhe ish-drejtorin e CIA-s John Brennan. Ben Rhodes, një ish-këshilltar i lartë i politikës së jashtme të Obamës, sulmohet për shkak se është i lidhur me grupin terrorist Hamas.
Videoja u krijua nga një llogari pro-MAGA me një numër të vogël ndjekësish që tërhoqi vëmendjen e ekipit të presidentit.
Një video e veçantë me një figurë të zymtë të “Grim-Reaper” përshkruan ‘mashtrimin më të koordinuar politik në historinë e SHBA-së’ në lidhje me takimin e Obamës me zyrtarët e lartë të inteligjencës.
“Inteligjenca u politizua në nivelet më të larta nën drejtimin e një presidenti në detyrë për të futur në kurth atë të ardhshëm. Ishte një grusht shteti i butë”, thotë personazhi në video.
Videoja e inteligjencës artificiale e agjentëve të FBI-së që arrestojnë Obamën në Zyrën Ovale dhe klipet e rreme të ish-presidentit në burg me një kostum portokalli u vendosën nën melodinë e këngës së preferuar të Trump, Y.M.C.A. nga Village People.
Javën e kaluar, Drejtoresha e Inteligjencës Kombëtare, Tulsi Gabbard, publikoi një mori dokumentesh të deklasifikuara nga javët e fundit të administratës Obama duke pretenduar se ato ekspozojnë një ‘komplot tradhtar’ për të minuar Trump pas fitores së tij në zgjedhjet e vitit 2016.
Disa nga postimet e tij përmbanin klipe të Drejtoreshës së Inteligjencës Kombëtare (DNI), Tulsi Gabbard, e cila bënte thirrje që Obama të ndiqej penalisht për pretendimet për bashkëpunim rus në zgjedhjet presidenciale të vitit 2016.
“Është më keq se politizimi i inteligjencës, ishte inteligjencë e fabrikuar që kërkonte të arrinte objektivin e presidentit Obama dhe ekipit të tij, i cili po minonte presidentin Trump”, i tha Gabbard prezantueses së Fox, Maria Bartiromo.
Daily Mail iu drejtua Fondacionit Obama për komente nga ish-presidenti mbi sulmet në mediat sociale dhe pretendimet nga Gabbard.
Shqetësimi i Trump përfshinte gjithashtu një sërë sulmesh ndaj Senatorit Demokrat Adam Schiff (Kaliforni), Ëall Street Journal dhe ekipit të futbollit Washington Commanders.
Postimi përfshinte kërkesën e tij që Washington Commanders të ndryshonin emrin e tyre përsëri në Redskins, pasi në vitin 2020 braktisën emrin që disa pretendonin se ishte ofendues ndaj popujve indigjenë.
Ai tha se indianët amerikanë duan që ekipi profesional i futbollit i Uashingtonit, D.C., t’u bëjë homazh paraardhësve të tyre dhe e njëjta gjë vlen edhe për ekipin e bejsbollit Cleveland Indians, i cili u riemërua Guardians në vitin 2021.
“Populli ynë i madh indian, në numër masiv, dëshiron që kjo të ndodhë. Kohërat janë të ndryshme tani nga sa ishin tre ose katër vjet më parë”, këmbënguli Trump.
Ai e quajti kërkesën e re për të rivendosur emrat origjinalë të ekipeve sportive profesionale që mendohen të jenë raciste ose ofenduese si lëvizja ‘MIGA’, ‘Make Ibdiand Great Again’.
Nëse pronari i Commanders nuk e ndryshon emrin e tyre përsëri në Redskins, Trump kërcënoi të nënshkruante marrëveshjen që ata të ndërtonin një stadium të ri në kryeqytetin e vendit.
Trump gjithashtu sulmoi Schiff, një ligjvënës i Kalifornisë dhe një nga objektivat e tij më të mëdhenj në Kongres vitet e fundit.
Ai pretendoi se politikani i hershëm i Kalifornisë duhet të ndiqet penalisht për dëshminë në një formular kredie se një shtëpi në Maryland do të shërbente si vendbanimi i tij kryesor.
“Adam Schiff është një hajdut! Ai duhet të ndiqet penalisht, ashtu siç u përpoqën të më ndiqnin penalisht mua dhe të gjithë të tjerët” tha Trump.
“Adam ‘Shifty’ Schiff është në telashe të mëdha! Ai falsifikoi dokumentet e kredisë”, shkroi Trump.
“Tani Shifty duhet të paguajë çmimin e burgut për një krim të vërtetë”, përfundoi presidenti.
Top Channel
