Lodra të ndaluara në Kosovë, 150 mijë copë do të kthehen në Kinë ose do të shkatërrohen 11/11 17:29
Skema e ngjyrave
Madhësia e shkrimit
Përplasja ndodh në Theth, por Sali Berisha mbrojtjen banorëve të zonës ia ofroi nga selia.
Ditën e fundit të aksionit, kryedemokrati doli me kërkesa konkrete për Qeverinë.
“Dënoj me forcën më të madhe aktet e terrorit shtetëror, krimit shtetëror të kryer ndaj banorëve të Thethit dhe kërkoj ndërprerjen e këtij terrori. Dëmshpërblimin e të gjitha banesave të prishura, të premtuara se do legalizohen nga Edi Rama”-u shpreh Berisha.
Refuzon çdo vendim të orëve të fundit të Edi Ramës, por kryebashkiakët e djathtë i sheh të ulen me kundërshtarin politik pa asnjë hezitim. Por, për Berishën të zgjedhurit e tij shkojnë ne takimet e Kryeministrit me një mision.
“Unë i përgëzoj ata për kundërshtimet që i bënë. Mediat kanë dhënë kryetarin e bashkisë Kavajë, duke ja thënë në sy, se atë urdhër nuk e zbatoj, për shkarkimet dhe të tjera, së pari. … Në fakt përballë kryeministrit ja ktheu. I tha përballë, demokrat jam unë. Kurse ajo tjetra jo. Pra i përpoq ta fyente me demokrat”.
Berisha është i bindur se ka gjetur arsyet e nisjes se shembjeve ne Theth.
“Çdo gjë bëhet për të mbuluar funeralin elektoral të 11 Majit apo farsën elektorale të 11 Majit 2025. Celibashi po bëhet bashkëfajtor me DHL-në sepse nuk na dorëzohen dokumentet e dorëzimit të votave nga qytetari tek DHL-ja dorëzim që bëhet me firmë. Domethënë votat nuk janë dorëzuar nga qytetarët, janë mbushur në zyrat e PS, nuk ka diskutim ajo.”
Kryedemorkati bëri me dije se nuk ka në plan të thërrasë në zyrën e tij kryebashkiakët demokrat ndërsa pret qe Këshilli i Evropës dhe Kongresi i Autoriteteve Rajonale dhe Lokale te reagoje pozitivisht pas letrës ankese që shoqata e te zgjedhurve vendore iu ka dërguar.
Top Channel
