Çanta më e shtrenjtë në histori, Birkini i parë nga Hermès shitet në ankand për 8.6 milionë euro 10/07 22:48
Në bregdetin e mrekullueshëm të Sarandës, trupa e aktorëve të Portokallisë dhuroi mbrëmjen e kaluar një tjetër spektakël plot të qeshura dhe argëtim.
Qindra qytetarë të Sarandës si dhe turistë që po pushojnë në këto ditë të nxehta në qytetin jugor ndoqën skeçet e përgatitura me përkushtim nga aktorët, posaçërisht për turin Verë dhe Portokalle. Atmosfera elektrizuese nuk mungoi në asnjë moment.
Për artistët e spektaklit më të madh të humorit, shfaqja në Sarandë ishte surprizuese, teksa publiku u përfshi me çdo interpretim në skenë.
Marin Orhanasi – Sapo përfunduam shfaqjen në Sarandë dhe me bindje të plotë ju them që ka shkuar në mënyrën më të mirë. Njerëzit u argëtuan, po ashtu dhe ne.
Akil Varfri – Edhe këtë vit, Saranda ishte vërtetë surprizuese, atmosfera duket shumë e mirë, njerëzit shumë të kënaqur. Ne jemi shumë të lumtur që ishim edhe këtë vit në Sarandë.
Turi Verë dhe Portokalle nuk ndalet! Me energjinë që nuk u shteron asnjëherë, aktorët shkojnë sot në një tjetër qytet bregdetar, në Himarë, për të vijuar me spektaklin live në të gjithë Shqipërinë.
Top Channel
