VIDEO/ Lufta Ukrainë-Rusi, Kievi dhe Moska kryejnë një tjetër shkëmbim të burgosurish

Të dyja palët kanë shkëmbyer të burgosur disa herë gjatë luftës, herën e fundit më 26 qershor.

“Më 4 korrik, një grup i ri ushtarësh rusë u kthyen nga territori i kontrolluar nga regjimi i Kievit”, tha Ministria ruse e Mbrojtjes në një deklaratë, duke publikuar një video që tregonte rreth 15 ushtarë që bërtisnin “Rusia!” ndërsa ishin të mbështjellë me flamuj rusë.

Ky shkëmbim u konfirmua nga presidenti ukrainas, Volodymyr Zelensky, i cili sqaroi se Kievi rikuperoi personelin ushtarak, “shumica e të cilëve mbaheshin nga rusët që nga viti 2022”, si dhe civilët.

“Diskutimet duhet të vazhdojnë. Qëllimi i Ukrainës është të lirojë të gjithë bashkatdhetarët tanë të mbajtur nga Rusia”, tha presidenti në Telegram.

❗️Russian Soldiers Return from Kiev-Held Territory – ??’s MoD

In the latest exchange, Ukraine received a group of POWs from Russia under the Istanbul agreements. pic.twitter.com/uWaw0Tujox

— RT_India (@RT_India_news) July 4, 2025

Më 2 qershor, Kievi dhe Moska ranë dakord të lirojnë të gjithë të burgosurit e luftës nën moshën 25 vjeç ose të plagosur rëndë, dhe të kthejnë eshtrat e luftëtarëve të vdekur, i vetmi rezultat i prekshëm i negociatave në Stamboll.

Të dyja palët kohët e fundit ndaluan së dhëni shifra mbi numrin e të burgosurve të luftës të liruar në këto shkëmbime.

Kthimi i Donald Trump në Shtëpinë e Bardhë në fillim të këtij viti lejoi rifillimin në maj të bisedimeve të ngushta të paqes midis ukrainasve dhe rusëve, të cilat ishin pezulluar që nga pranvera e vitit 2022.

Megjithatë, dy raundet e bisedimeve, të cilat deri atëherë po mbaheshin nën ndërmjetësimin turk, nuk kanë çuar në ndonjë zhvillim të rëndësishëm, ndërsa datat për raundin e tretë të bisedimeve nuk janë caktuar ende.

Top Channel