Rrëfehet vëllai i Jeffrey Epstein: Ai dinte gjëra komprometuese për Donald Trump, jam i sigurtë që nuk është vetëvrarë 26/07 11:37
Dhoma e Përfaqësuesve në SHBA është përfshirë nga një betejë intensive politike, teksa Presidenti Donald Trump dhe aleatët e tij po punojnë në orët e vona të natës për të siguruar mbështetjen për mega-projektligjin e tij mbi taksat dhe shpenzimet, një iniciativë që mund të përcaktojë mandatin e dytë të tij në detyrë.
Legjislacioni, i cili është kundërshtuar jo vetëm nga demokratët, por edhe nga disa republikanë skeptikë, po i afrohet një votimi përfundimtar. Fillimisht, projektligji iu nënshtrua një votimi procedural të mërkurën në mbrëmje – një hap teknik, por thelbësor, për ta sjellë në sallën e Dhomës për debat të plotë.
Kundërshtimet nga brenda partisë Republikane lidhen kryesisht me ndikimin e projektligjit në deficitin federal, si dhe me shkurtimet e thella që mund të prekë programet e kujdesit shëndetësor dhe ato sociale, shkruan BBC.
Projektligji kaloi me një diferencë të ngushtë votash në Senat të martën, pas më shumë se 24 orësh debati të ashpër. Zëvendëspresidenti JD Vance dha votën përcaktuese që e kaloi atë në dhomën e sipërme të Kongresit.
Por beteja më e vështirë po zhvillohet në Dhomën e Përfaqësuesve, ku republikanët e Trump kanë një shumicë të brishtë dhe nuk mund të përballojnë më shumë se tre vota kundër nga brenda partisë. Në muajin maj, një version i mëparshëm i projektligjit kaloi vetëm me një votë diferencë.
Për ta mbajtur nën kontroll situatën, Trump është angazhuar personalisht. Ai zhvilloi disa takime në Shtëpinë e Bardhë të mërkurën dhe përdori rrjetet sociale për të ushtruar presion ndaj republikanëve që hezitojnë. “Dhoma e Përfaqësuesve është gati të votojë sonte,” shkroi ai, duke shtuar se republikanët janë “të bashkuar” për të ofruar “rritje masive”.
Megjithatë, jo të gjithë janë të bindur. Ligjvënësi republikan Ralph Norman deklaroi se ka ende rreth 25 anëtarë të partisë që nuk janë dakord me projektligjin. “Kam probleme me të gjitha,” tha ai për mediat.
Debatet në sallë zgjatën për rreth shtatë orë të mërkurën, përpara se shumica e ligjvënësve të largoheshin. Kryetari i Dhomës së Përfaqësuesve, Mike Johnson, caktoi një votim procedural për orët e vona, që do të shërbejë si tregues vendimtar për fatin e projektligjit.
Ndërkohë, liderët republikanë kanë bërë thirrje për bashkim, ndërsa udhëheqësi i shumicës, Steve Scalise, njoftoi se disa ligjvënës janë ende rrugës për në Uashington, pas vonesave të fluturimeve për shkak të motit të keq.
Fati i projektligjit mbetet i paqartë, por është e qartë se rezultati i këtij votimi do të ketë pasoja të mëdha për agjendën ekonomike dhe politike të Donald Trump nëse ai e fiton mandatin e dytë presidencial.
Top Channel
