I dha cigare elektronike një orangutangu, zemërim për boksieren 24-vjeçare ruse në internet 02/07 09:56
Dua Lipa dhe i fejuari i saj, Callum Turner, janë fotografuar gjatë pushimeve të tyre të fundit në Amalfi.
Këngëtarja 29-vjeçare dhe aktori 35-vjeçar nuk mund t’i mbanin duart larg njëri-tjetrit, teksa ndanë puthje pasionante nën rrezet e diellit. Dua tregoi trupin e saj të tonifikuar me një bikini bardh e zi me pika, ndërsa flokët e saj të gjata ishin të lagura nga uji kristalin për t’u freskuar.
Ndërkohë, Callum shfaqi trupin e tij sportiv, ndërsa kishte veshur një palë rrobe banjoje ngjyrë portokalli të ndezur.
Dua, e cila mbush 30 vjeç në gusht, foli për herë të parë publikisht për emocionet që e kanë përfshirë që kur Callum u ul në një gju për t’i propozuar.
“Po, jemi të fejuar. Është shumë emocionuese,” tha ajo, duke ndarë ndjenjat për këtë kapitull të ri në jetën e saj. “Ky vendim për t’u plakur së bashku, për të ndarë jetën dhe për të qenë miqtë më të mirë përgjithmonë – është një ndjenjë vërtet e veçantë.”
Lajmi për propozimin e tyre doli në fund të vitit të kaluar dhe që prej asaj kohe, Dua është parë shpesh me një unazë diamanti verbuese në gisht.
Në një intervistë për kopertinën e revistës British Vogue, ku ajo u shfaq mahnitëse me një reçipetë rozë të zbehtë, këngëtarja foli për të ardhmen dhe dëshirën për të krijuar një familje.
“Do të doja shumë të kisha fëmijë një ditë,” u shpreh ajo. “Por është gjithmonë ajo pyetja: kur është koha e duhur? Si do të përshtatej me punën time, me turnetë, dhe sa kohë pushim do të më duhej të merrja?”
“Mendoj se është një nga ato gjëra që ndodhin kur është koha e duhur. I dua fëmijët, por besoj se ka shumë më tepër në rritjen e një fëmije sesa thjesht dashuria për ta.”
Sa i përket planeve për dasmën, Dua theksoi se të dy shpresojnë të përfundojnë angazhimet profesionale – ajo turneun, dhe Callum xhirimet – përpara se të vendosin një datë për ceremoninë.
Top Channel
