Takimi Trump-Netanyahu, do të diskutohet për situatën në Gaza dhe për Iranin 01/07 21:10
Tre anëtarë të ekipit drejtues në spitalin “Countess of Chester” në veri-perëndim të Anglisë ku punonte Lucy Letby janë arrestuar nën dyshimin për vrasje nga pakujdesia.
Policia e Cheshire tha se të dyshuarit, të cilët kishin mbajtur pozicione të larta drejtuese në Spitalin Countess of Chester mes viteve 2015 dhe 2016, u arrestuan të hënën. Të tre janë liruar me kusht në pritje të hetimeve të mëtejshme.
Letby, 35 vjeçe, nga Hereford, po vuan 15 dënime të përjetshme pas shpalljes fajtore për vrasjen e shtatë foshnjave dhe përpjekjen për të vrarë shtatë të tjera midis qershorit 2015 dhe qershorit 2016.
Detektivi Superintendent Paul Hughes, drejtuesi i hetimit për Operacionin Duet, tha:
“Në tetor 2023, pas gjyqit të gjatë dhe dënimit të Lucy Letby, policia e Cheshire nisi një hetim për vrasje në bashkëpunim në Spitalin Countess of Chester.
“Kjo çështje përqendrohet te drejtuesit e lartë dhe vendimmarrja e tyre, për të përcaktuar nëse ka ndodhur ndonjë vepër penale në lidhje me reagimin ndaj rritjes së numrit të vdekjeve.
“Në mars 2025, shtrirja e hetimit u zgjerua për të përfshirë edhe vrasjen nga pakujdesia. Kjo është një vepër e veçantë nga vrasja në bashkëpunim dhe fokusohet në veprime ose mosveprime jashtëzakonisht të pakujdesshme të individëve.
“Është e rëndësishme të theksohet se kjo nuk ndikon në dënimet e Lucy Letby për veprat e shumta të vrasjes dhe përpjekjes për vrasje.”
Top Channel
