Gjykata e Posaçme pranon kërkesën për dhënien e gjashtë procesverbaleve të deklarimit të bashkëpuntorit Erjon Alibej.
Siç raporton gazetarja Anila Hoxha, në cilësinë e bashkëpunëtorit të drejtësisë i është marrë deklarim shtetasit Erion Alibej (pyetur dhe në datat 14,15,16,17,20.06.2022, si person nën hetim, deklarime të marrë me mjete audio- video, dokumentuar me proces-verbalin përkatës ndaj të cilit, transkriptuar më datë 29 shtator 2022, dokumentuar me proces-verbalin përkatëse, si dhe pyetur më datë 15.12.2022, si person nën hetim, dokumentuar me proces-verbalin ndaj të cilit zhvillohen hetime…).
Të gjitha këto proces-verbale janë bërë shkak i debatit në sallën e gjyqit mes avokatëve dhe prokurorëve, ku njëra palë i kërkon gjykatës të dorëzojë dokumentet, ndërsa prokuroria kërkon që të mos i dorëzojë.
Debati në sallën e gjykatës mes avokates së Altin Ndocit dhe prokurorit Behar Dibra
Avokatja: Është e turpshme që prokurori po pyet në mënyrë të njëanshme që të favorizojë disa e disa jo
Prokurori: E turpshme që ju vini e papërgatitur
Avokatja: Disa herë e kam vënë re këtë prokuror dhe po ja mbledh shkeljet
Prokurori- Ec e bëj kallëzim
Avokatja- Patjetër që po
Gjykata – Ndërhyrje , avokate mos fol. Po të tërheqim vëmendjen për shkelje etike
Avokatja e Altin Ndocit: në kushtet kur drejtuesja e seancës merr vendime pa pyetur dy anëtarët e therë, mendoj që gjyqtarja ka shkelur etikën kërkoj përjashtimin nga ku gjyq të relatores së çështjes Ëngjëllushe Tahiri. Kërkoj të më vihet në dispozicion kohë për ta paraqitur kërkesën me shkrim. Ne kërkojmë kohën qe të na vendosen aktet procedurale nga ana e prokurorit dhe kjo s’po ndodh
Gjykata:E konsultuar në vend , pasi u konsultuam vendosëm të vazhdojmë gjykimin. Vazhdojmë në lidhje me pyetjen e dëshmitarit të drejtësisë Skerdi Tase
Prokurori Behar Dibra: O Eda po sikur ishe mirë qeparë. O Eda je e lutur të na nderosh në seancë
Avokatja: Prokuror ti e ke bërë tënden (largohet)
Behar Dibra: Avokatja është sjellë disa herë kështu , ju kërkoj të merrni masa. Kjo avokate bën kërkesa të palogjikshme
Behar Dibra: duket hapur sjellja e saj e pamenduar. Kërkoj të merrni masa
Gjykata: Ulu prokuror
Prokurori: Është e disa herë që ndodh kjo gjë
Ndërhyn prokurorja Doloreza Musabelliu: Duke qenë se avokatja u largua dhe shkeli etikën kërkojmë gjobitjen e kësaj avokateje dhe meqenëse i pandehuri Altin Ndoci mbeti pa mbrojtës kërkojmë shtyrjen e procesit. Kërkojmë ndërhyrjen e dhomës së avokatisë
Gjykata: Sa i takon vazhdimit të procesit është e pamundur të vijojë pa mbrojtjen e të akuzuarit. Zëvendësohet avokatja që iku me një avokate tjetër. Shtyjmë procesin ditë të enjte, datë tre ora dhjetë
Top Channel
