Një ditë pasi votoi kundër projektligjit të axhendës së presidentit Trump, senatori republikan njofton se nuk do kandidojë sërish 29/06 23:02
Kushdo që ndez një cigare në plazh ose në një park publik në Francë ka shkelur ligjin sipas rregullave të reja që synojnë mbrojtjen e fëmijëve dhe do të përballet me një gjobë prej 135 deri në 700 euro.
Ndalesat e autobusëve dhe zonat në afërsi të menjëhershme të bibliotekave, pishinave dhe shkollave do të preken gjithashtu nga ligji i ri, i cili do të hyjë në fuqi një ditë pasi të publikohet në gazetën zyrtare të qeverisë, sipas The Guardian.
Rregulli vjen një javë para fillimit të pushimeve shkollore në Francë, në një përpjekje për të mbrojtur fëmijët nga tymi në plazhe e parqe.
Megjithatë, për zhgënjimin e disa aktivistëve kundër pirjes së duhanit, ndalimi nuk mbulon baret dhe restorantet, ku duhani ende mund të pihet.
Njerëzit gjithashtu nuk duhet të pinë duhan brenda 10 metrave nga shkollat, pishinat, bibliotekat dhe vendet e tjera ku pirja e duhanit mund të dëmtojë të miturit.
Ministria e shëndetësisë tha se së shpejti do të njoftojë tabelën që do të përdoret për të shënuar këto zona. Shkelësit e ligjit mund të përballen me gjoba midis 135 euro dhe 700 euro.
“Tymi duhet të zhduket nga vendet ku janë fëmijët. Parqet, plazhet, shkollat janë vende për të luajtur, mësuar dhe marrë frymë. Ato nuk janë vende për të pirë duhan”, tha Ministrja e Shëndetësisë Catherine Vautrin.
Yves Martinet, president i Komisionit Kombëtar Kundër Duhanpirjes, tha se ky ligj është “një hap në drejtimin e duhur, por mbetet i pamjaftueshëm”, duke kritikuar lejen e vazhdueshme të pirjes së duhanit në kafene.
“Ministri thekson mbrojtjen e fëmijëve”, por fëmijët “shkojnë edhe në kafene”, tha Martinet, i cili është një pulmonolog.
Ai shprehu keqardhje për mungesën e cigareve elektronike në ligj, duke thënë se ato përdoren për të “bërë të varur të rinjtë”.
Top Channel
