Tragjedi në futbollin spanjoll, ndahet nga jeta mbrojtësi 23-vjeçar pas një aksidenti të rëndë me makinë 27/06 18:51
Barcelona është gati t’i besojë një nga simbolet më të shenjta të historisë së saj një talenti që premton shumë për të ardhmen.
Lamine Yamal, ylli 16-vjeçar i “blaugranave” dhe i Spanjës, pritet të marrë fanellën me numër 10 për sezonin e ri, një numër që përfaqëson më shumë sesa thjesht një shifër në shpinë.
Sipas “Mundo Deportivo”, drejtuesit e klubit nuk kanë asnjë dyshim: Yamal është gati të mbajë peshën e një trashëgimie të madhe, atë të numrit 10, të veshur ndër vite nga legjenda si Ronaldinho, Rivaldo dhe mbi të gjitha Lionel Messi.
Deri tani këtë fanellë e mbante Ansu Fati, i cili nuk arriti të përballojë presionin që vjen me këtë përgjegjësi dhe tani është pranë transferimit te Monaco.
Barcelona do të prezantojë fanellën e re të sezonit 2025-26 më 2 korrik, por njoftimi zyrtar për Yamal si numri i ri 10 do të vijë pak më vonë. Klubi dhe lojtari kanë rënë dakord ta bëjnë publike këtë ngjarje gjatë një momenti me impakt më të madh mediatik – pikërisht më 13 korrik, ditën kur Yamal mbush 18 vjeç dhe kur skuadra e Hansi Flick nis përgatitjet për sezonin e ri.
Ky ndryshim numri nuk është i rastësishëm. Ashtu si Messi dikur, Yamal e nisi me fanellën me numrin 19 dhe tani, në moshën madhore, është gati për hapin e madh. Pozicioni në fushë, këmbën e majtë, formimin në La Masia – çdo detaj e lidh me ikonën argjentinase. Tani i mbetet vetë Yamal të tregojë në fushë nëse ky paralelizëm është thjesht simbolik apo ogur për një karrierë të jashtëzakonshme.
Top Channel
