Lufta në Ukrainë, presidenti Zelensky: Na duhet më shumë mbrojtje ajrore 16/11 09:29
Irani i quajti të turpshme urimet e Sekretarit të Përgjithshëm të NATO-s për Donald Trump pas sulmeve të fundjavës nga SHBA-të në objektet kryesore bërthamore në Republikën Islamike.
Është “e turpshme, e përçmueshme dhe e papërgjegjshme që Sekretari i Përgjithshëm i NATO-s ta cilësojë si ‘vërtet të habitshme’ një akt kriminal agresioni kundër një shteti sovran”, tha zëdhënësi i Ministrisë së Jashtme iraniane, Esmail Baghai. Kushdo që “mbështet një krim konsiderohet bashkëpunëtor”, shtoi ai në një mesazh drejtuar H.
Zëdhënësi i Ministrisë së Jashtme iraniane po i referohej mesazhit të urimit që Mark Rutte i dërgoi Donald Trump, të cilin presidenti amerikan e zbuloi dje në platformën e tij Truth Social.
“Urime dhe faleminderit për veprimin tuaj vendimtar në Iran. Është vërtet e mahnitshme dhe diçka që askush nuk ka guxuar ta bëjë”, tha Rutte për bombardimet amerikane të kryera të dielën kundër objekteve bërthamore në Fordow, Isfahan dhe Natanz.
Top Channel
