“Zemra” amerikane! Rëndësia e “Al Udeid”, baza e SHBA në Lindjen e Mesme që shënjestroi Irani 23/06 22:52
Presidenti Trump pretendon se është arritur një armëpushim midis Izraelit dhe Iranit.
Në një postim në Truth Social, presidenti Trump pretendon se është arritur një armëpushim 12-orësh midis Izraelit dhe Iranit. Armëpushimi, sipas tij, do të fillojë pas 6 orësh.
Ai shkruan:
URIME PËR TË GJITHË! Është rënë dakord plotësisht midis Izraelit dhe Iranit që do të ketë një ARMËPUSHIM TË PLOTË DHE TË PËRGJITHSHËM (rreth 6 orë nga tani, kur Izraeli dhe Irani të kenë përfunduar misionet e tyre të fundit në zhvillim!), për 12 orë, pas së cilës Lufta do të konsiderohet E PËRFUNDUAR!
Zyrtarisht, Irani do të nisë ARMËPUSHIMIN dhe, pas Orës së 12-të, Izraeli do të nisë ARMËPUSHIMIN dhe, pas Orës së 24-t, një PËRFUNDIM ZYRTAR i LUFTËS 12-DITORE do të përshëndetet nga e gjithë Bota. Gjatë secilit ARMËPUSHIM, pala tjetër do të qëndrojë PAQËSORE dhe ME RESPEKT. Duke supozuar që gjithçka do të shkojë siç duhet, dhe do të shkojë, dua të përgëzoj të dy Vendët, Izraelin dhe Iranin, për qëndrueshmërinë, guximin dhe inteligjencën që treguan për t’i dhënë fund asaj që duhet të quhet “LUFTA 12-DITORE.” Kjo ishte një luftë që mund të kishte zgjatur për vite me radhë, dhe të kishte shkatërruar të gjithë Lindjen e Mesme, por nuk ndodhi, dhe kurrë nuk do të ndodhë!
Zoti e bekoftë Izraelin, Zoti e bekoftë Iranin, Zoti e bekoftë Lindjen e Mesme, Zoti i bekoftë Shtetet e Bashkuara të Amerikës, dhe ZOTI E BEKOFTË BOTËN!
Top Channel
