“Khamenei emëron tre pasardhës në rast se vritet”/ The New York Times: Ai ka frikë për jetën e tij, jep urdhra përmes bashkëpunëtorëve të besuar 21/06 13:40
Presidenti amerikan Donald Trump ka deklaruar se festat zyrtare në SHBA po kushtojnë miliarda dollarë humbje në ekonomi.
Në një postim në rrjetin e tij Truth Social, bërë pikërisht në ‘Ditën e Juneteenth’, një festë federale e re që përkujton fundin e skllavërisë, Trump shkroi: “Ka shumë festa në Amerikë. Po na kushton miliarda për t’i mbajtur bizneset të mbyllura”.
Ai shtoi se punëtorët nuk i dëshirojnë këto ditë pushimi dhe paralajmëroi se do keyë ndryshime nëse Amerika dëshiron “të bëhet përsëri e madhe”.
Megjithatë, ndikimi ekonomik për ditët e pushimit nuk është gjithmonë negativ, shkruan CNN.
Shumë sektorë, si tregtia, turizmi dhe shërbimet – përfitojnë ndjeshëm gjatë festave zyrtare, falë rritjes së konsumit dhe aktiviteteve promocionale. Edhe bizneset e vogla përfitojnë: një studim britanik tregoi se festat bankare sjellin fitime mesatare shtesë prej rreth 340 dollarësh për dyqanet e vogla.
Ndonëse pushimet kanë një kosto për disa sektorë, ato gjithashtu nxisin konsumin, përmirësojnë mirëqenien e punonjësve dhe mund të kontribuojnë në rritje ekonomike më të qëndrueshme në afatgjatë.
Top Channel
