Ministri i Financave pranon se ekonomia e Rusisë është në prag recesioni

Rusia uli normat e interesit këtë muaj për herë të parë që nga viti 2022, duke i ulur kostot e huamarrjes në 20% nga 21%. Por për muaj të tërë bizneset janë ankuar për normat e larta të interesit që pengojnë investimet dhe rritja ekonomike ka filluar të ngadalësohet.

“Sipas shifrave, ka një ftohje, por të gjitha të dhënat tona janë nga periudhat e mëparshme”, tha Reshetnikov. “Sipas ndjenjës në biznes sot dhe sipas treguesve të biznesit, ne jemi tashmë, në prag të recesionit. Në prag”, shtoi ai.

Në të njëjtin takim, kreu i bankës qendrore të Rusisë, Elvira Nabiullina, tha se ngadalësimi aktual i rritjes së PBB-së është “një mënyrë për të dalë nga mbinxehja”.

Alexander Vendyakhin, zëvendësdrejtori i parë ekzekutiv i bankës më të madhe të Rusisë, Sberbank, i tha Reuters këtë javë se politika monetare e shtrënguar krijon rreziqe të mbinxehjes së tepërt dhe shtoi se normat e interesit shumë më të ulëta prej 12% deri në 14% do të ishin të pranueshme për të rifilluar kreditimin e investimeve.

Sipas Vendyakhin, “ekziston rreziku që ekonomia të mbinxehet dhe ne nuk do të jemi në gjendje të rikuperohemi, dhe rritja e mëtejshme mund të jetë e ulët”.

Top Channel