Shtatë të plagosur nga sulmet e Iranit, Netanyahu thirrje izraelitëve: Mund të dilni nga strehimoret 13/06 23:01
Vizitat e shtetasve të huaj në pronat e Elon Musk po monitoroheshin nga agjencitë qeveritare amerikane, mes shqetësimeve rreth përpjekjeve të mundshme për të ndikuar te miliarderi, raportoi të martën Wall Street Journal, duke cituar njerëz të njohur me çështjen.
Departamenti i Sigurisë Kombëtare dhe Departamenti i Drejtësisë ishin të përfshirë në hetim, tha raporti.
Mbikëqyrja e të huajve u zhvillua në vitet 2022 dhe 2023 dhe u përqendrua te njerëzit që vizitonin Musk nga vendet e Evropës Lindore dhe vende të tjera, raportoi WSJ.
Musk, i cili drejton pesë kompani dhe ka kontrata të ndjeshme qeveritare, kishte akses të paprecedentë te zyrtarët e lartë qeveritarë nga vende të ndryshme të botës.
Hetimi i SHBA-së u përqendrua në përpjekjet e mundshme për të ndikuar te Musk, tha gazeta. Nuk janë ngritur akuza dhe është e paqartë nëse hetimi ka përfunduar, raportoi WSJ.
Elon Musk, njeriu më i pasur në botë, ishte caktuar nga Presidenti Donald Trump për të ulur shpenzimet federale. Ai ishte një këshilltar i lartë i Trump derisa të dy burrat u përplasën publikisht javën e kaluar.
Zyrtarë në agjenci të ndryshme, përfshirë FBI-në, janë informuar mbi hetimin, i cili filloi përpara se administrata Trump të merrte detyrën, tha raporti. WSJ tha se Musk nuk iu përgjigj kërkesave për koment dhe FBI refuzoi të komentonte.
Administrata Trump ka shprehur shqetësim në lidhje me ndikimin e mundshëm të huaj në Shtetet e Bashkuara.
Top Channel
