Ndihmësi i Trump sulmon Elon Musk: Emigrant i paligjshëm, do vetëm lekë! 07/06 23:45
Në një veprim të papritur që sinjalizon një ndryshim në prioritetet e Pentagonit, administrata Trump ka vendosur të tërheqë teknologjinë kundër dronëve nga Ukraina dhe ta vërë atë në dispozicion të forcave ajrore amerikane në Lindjen e Mesme.
Këto janë raketahedhës që Ukraina përdor për shkatërruar dronë rusë. Sipas Wall Street Journal, Pentagoni informoi në mënyrë diskrete Kongresin javën e kaluar. Ky veprim vjen pothuajse njëkohësisht me deklaratën e Trump të mërkurën se homologu i tij rus i tha atij në një telefonatë se Moska do t’u përgjigjej sulmeve të fundit ukrainase, duke zvogëluar perspektivat për një pauzë në luftën që filloi në fillim të vitit 2022.
Zhvillimi u shoqërua me mungesën e Pete Hegseth të mërkurën nga një takim i ministrave të mbrojtjes të NATO-s për të koordinuar ndihmën për Ukrainën, ndërsa ai ka thënë se aleatët evropianë tani duhet të mbajnë mbi supe barrën e mbështetjes ushtarake.
Sekretari i mbrojtjes i SHBA-së shkoi më tej në një memo të brendshme muajin e kaluar ku autorizoi një zyrë të Pentagonit që siguron që nevojat e komandantëve për armë të përmbushen për të siguruar detonatorët për Forcat Ajrore të SHBA-së, edhe pse ato fillimisht ishin blerë për Ukrainën.
Pentagoni nuk pranoi të komentojë publikisht mbi vendimin e papritur. Uashingtoni tashmë i ka shteruar fondet për këtë program ndihme dhe nuk ka kërkuar fonde të reja për Ukrainën, pavarësisht se është autorizuar të dërgojë deri në 3.85 miliardë dollarë në armë nga rezervat amerikane.
Celeste Wallander, një ish-zyrtare e lartë e Pentagonit nën administratën Biden, e quajti sistemin “jetik” si për Ukrainën ashtu edhe për mbrojtjen e bazave amerikane në Lindjen e Mesme nga sulmet me dronë nga Huthit dhe potencialisht nga Irani. Mbështetësit e këtij veprimi argumentojnë se administrata ka të drejtë të vazhdojë me rialokimin sipas projektligjit të shpenzimeve emergjente të mbrojtjes të vitit të kaluar.
Megjithatë, ky veprim ka ngritur shqetësime midis mbështetësve të Ukrainës në Kongres, të cilët thonë se Pentagoni nuk ka shpjeguar se çfarë ndikimi do të ketë ky veprim në mbrojtjen e Ukrainës ose nëse nevoja e Forcave Ajrore është urgjente.
Top Channel
