Tërmet në Napoli! Mediat italiane: Më i fuqishmi i regjistruar në 40 vitet e fundit 30/06 16:11
Një 21-vjeçare nga Mbretëria e Bashkuar është mbajtur në një burg në Sri Lanka për tre javë pasi u arrestua për kontrabandë miliona eurosh kanabis në valixhen e saj.
Sipas Independent, 21-vjeçarja është Charlotte Mayle Lee, një ish-stjuardesë fluturimi nga Londra jugore, e cila u arrestua më 12 maj në aeroportin Bandaranaike të Kolombos pasi mbërriti me një fluturim nga Bangkoku.
Ajo mbetet në paraburgim me akuzën e transportimit të 46 kilogramëve kanabis në dy valixhe, një sasi me vlerë rreth 1.4 milionë euro.
Sipas avokatit të saj dhe deklaratave që ajo bëri për median, Lee pretendon se nuk di asgjë për drogën e gjetur në valixhet e saj. Ajo mbetet në burg në Negombo dhe ende nuk është akuzuar ndërsa policia vazhdon hetimin.
“Gjatë seancës së fundit gjyqësore, unë paraqita një kërkesë duke kërkuar që drogat e dyshuara të dërgohen në departamentin e analizës qeveritare për ekzaminim dhe që raporti që rezulton t’i dorëzohet gjykatës”, tha avokati i saj.
Nëse dënohet, ajo mund të përballet me deri në 25 vite burg.
Thuhet se ajo ishte me pushime në Tajlandë dhe më pas erdhi në Sri Lanka pasi viza e saj 30-ditore po skadonte, me qëllim që të kthehej në Tajlandë pasi të rinovohej. Ajo u largua nga Anglia për në Tajlandë në fund të prillit.
Top Channel
