Cardi B bën deklaratën shokuese për Offest: Nëse do të isha ende me të, do ta vrisja me duart e mia

Reperja fituese e çmimit Grammy, e cila tani është në lidhje me lojtarin e NFL-së, Stefon Diggs, u shfaq drejtpërdrejt në X Spaces të martën, më 4 qershor, duke falënderuar mbështetësit e saj dhe duke iu përgjigjur atyre që e kritikuan për lidhjen e saj të re. “Nuk mendoj se njerëzit e kuptojnë sa e lodhur isha. Sa e rraskapitur, sa e shteruar mendërisht”, tha ajo, me sa duket duke iu referuar martesës së saj me Offset. “Isha fjalë për fjalë në prag të çmendurisë. Nuk mund të haja. Kisha dhimbje koke gjatë gjithë kohës. Po humbisja mendjen”, rrëfeu ajo. “Po i jepja një shans pas tjetrit. Vazhdimisht”, shtoi ajo.

“Nëse do të isha ende atje, do të përfundoja në burg, sepse do ta vrisja me duart e mia”, theksoi ajo. Sipas reperit 32-vjeçar, pabesia nuk ishte problemi i vetëm në lidhjen e tyre. «Njerëzit mendojnë se u largova sepse ai më tradhtoi. Është diçka shumë më e thellë se kaq», shpjegoi ajo. «Gënjeshtrat e vazhdueshme po më shkatërronin mendjen», theksoi ajo.

Cardi B Says She Would 'End up Killing' Ex Offset if They Were Still Together: 'I Was Literally Losing My Mind' https://t.co/JqicXuKPpO

— People (@people) June 3, 2025

Reperja përshkroi se si ishte “kaq e depresionuar” për shkak të “dramës së vazhdueshme”. “Zgjohesha çdo mëngjes me mendime paranojake”, tha ajo, duke shtuar se edhe menaxherët e saj ishin të shqetësuar dhe i sugjeruan të shihte një terapist. E gjithë kjo ndodhi përpara se Cardi B dhe Offset të rilidheshin dhe të kishin vajzën e tyre, Blossom, vitin e kaluar. Megjithatë, siç zbuloi ajo, ribashkimi nuk zgjati. “Shkova në terapi, u dashurova përsëri, mora vendimin për të pasur fëmijën tim dhe më në fund… kur diçka mbaron, mbaron”, u tha ajo fansave të saj.

Tani, ajo thotë se është në një vend shumë më të mirë . “Jam e lumtur dhe ndihem sikur po e mësoj jetën përsëri. Sikur po mësoj nga e para. Takimet janë diçka e re për mua dhe më duhej pak kohë për t’u hapur përsëri ndaj dikujt”, tha ajo. Duke folur për komentet kritike që mori pasi njoftoi lidhjen e saj me Stefon Diggs, Cardi B pranoi: “Nuk e kuptoj pse marr kaq shumë urrejtje nga burrat. Më quajnë kurvë. Isha e martuar për shtatë vjet dhe isha besnike “, vuri në dukje ajo.

Cardi B u martua me Offset në vitin 2017. Ajo paraqiti kërkesë për divorc për herë të parë në vitin 2020, ata u rilidhën përkohësisht dhe më në fund u ndanë përgjithmonë në korrik 2024. Sa i përket marrëdhënies së saj me Stefon Diggs, Cardi B sqaroi se fillimisht ajo u ndërtua mbi një miqësi të fortë. “Nuk jam ndjerë kaq e lumtur për një kohë të gjatë,” theksoi ajo. “Kalova shumë trauma. Më është dashur të mësoj për veten time, të pajtohem me veten time, të derdh shumë lot para se të mund të thoja, ‘Po, ndihem mirë tani’ dhe ta ndaja atë.”

Reperja e mbylli me një fjali për ata që e gjykojnë: “Kjo është me të vërtetë jeta ime, për të cilën të gjithë kanë një perspektivë të… o… o.

Top Channel