Në Golem mungon uji, ankohen banorët! Reagon ujësjellësi: Defekt në linjat e vjetra
26/06 15:24
Në të parën intervistë për Top Channel pas fitimit të mandatit në 11 Maj në Lezhë, nënkryetari demokrat i kuvendit Agron Gjekmarkaj, e distancon veten prej atyre të cilët mendojnë se Sali Berisha, duhet të largohet pas humbjes fatale në këto zgjedhje.
“Mendoj se Shqipëria pësoi një humbje. Standardet demokratike pësuan një humbje. PD luftoi që kjo mos të ndodhë që Shqipëria të ndryshojë. Sali Berisha nuk ka arsye të japë dorëheqje për sa i përket kushteve në të cilat gjendet vendi sepse ai u përball me një farsë sepse ai dha maksimunin e tij. PD bëri gjithçka. Tani është radha edhe shoqëria të bëjë pjesën e vet. Dorëheqjen e Berishës e kërkojnë socialistët. Nuk e kërkojnë demokratët. E kërkojnë njerëz pranë qeverisë. Nuk e kërkon shoqëria. Kështu që Sali Berisha është në të drejtën e tij të udhëheq opozitën dhe mendoj do ta bëjë mirë këtë punë””, thotë Gjekmarkaj.
Por ndërsa brenda PD ka nisur një garë brenda vetes per votat preferenciale ne zgjedhjet e 11 Majit, Agron Gjekmarkaj mbështet kërkesat e kolegëve të tij demokratë për rinumërim vote.
“Unë mendoj se është një e drejtë e gjithsecilit të kërkojë transparencë. Transparenca mund të shoqërohet me debate është gjëja më normale. PD është parti e debatit e hapësirës. Është pjesë e të drejtave të gjithsecilit dhe i përdor të drejtat e veta siç mendon është më mirë sepse kulti shenjtërisë së individit në PD është shumë i fortë”, shton ai.
Në këtë intervistë, zoti Gjekmarkaj, i cili rezultoi i vetmi fitues si drejtues qarku për PD, tregon se si do ta përdorë mandatin e fituar në Lezhë: “Ne kemi marrë një votëbesim për të mbrojtur votën e lirë kudo në Shqipëri. Kemi një amanet të shoqërisë mendoj unë që duhet ta përcjellim si opozitë të çmontojmë atë që u pa nga e gjithë bota kush kishte sy për të parë dhe veshë për të dëgjuar për atë që ne e konsiderojmë farsë elektorale sepse një shoqëri që endet rreth farsave nuk është shoqëri e lirë nuk është shoqëri demokratike. Dhe me gjasë këtë mision sa të vështirë dhe të shenjtë e ka PD. Ky do jetë misioni ynë në shtator”.
Agron Gjekmarkaj lë të kuptohet se ai nuk është për një marrëdhënie agresive në kuvendin e ri të shtatorit.
“Ne do të shfrytëzojmë çdo hapësirë lirie që ka mbetur ende në këtë shtet, në të shoqëri në këto institucione. Do shfrytëzojmë çdo institucion e hapësirë ndërkombëtare dhe do të jemi në bashkëbisedim me shoqërinë shqiptare për të gjetur zgjidhjet e duhura, rrugëdaljet drejt një demokracie të vërtetë sepse sot nuk e kemi një të tillë”, tha ndër të tjera Gjekmarkaj.
Top Channel
