Mbreti Charles nderon viktimat e Air India në paradën ushtarake Trooping the Colour 15/06 10:39
Rusia po planifikon të dërgojë një numër sistemesh raketash Oreshnik në Bjellorusi deri në fund të këtij viti, transmeton agjencia e lajmeve TASS.
Duke folur gjatë një samiti ndërkombëtar të sigurisë, Alexander Volfovich, sekretari i Këshillit të Sigurisë së Bjellorusisë, tha se çdo gjë po shkon sipas planit.
“Deri në fund të vitit, besoj se vendimi në lidhje me vendosjen e Oreshnikut, për të cilin u ra dakord nga krerët e shteteve tona, do të bëhet realitet.Këto çështje janë zgjidhur dhe vendndodhjet brenda Bjellorusisë janë finalizuar.”, tha ai.
Më tej ai foli për përgatitjet ku tha se po ecin sipas planit. “Përgatitjet po ecin sipas planit. Le të mendojnë të tjerët – ndoshta jashtë vendit – se nuk do të jetë në Bjellorusi. Por ne e dimë saktësisht se ku është dhe si funksionon. Shqetësimi ynë kryesor është të qëndrojmë të sigurt dhe të qetë, duke siguruar sigurinë e popujve tanë – Rusisë dhe Bjellorusisë.“, përfundoi Volfovich.
Oreshnik është një raketë balistike me rreze të mesme veprimi, e cila, sipas Rusisë, ka një rreze veprimi për të arritur çdo objektiv evropian.
Raketat me rreze të mesme veprimi mund të fluturojnë midis 310 dhe 3,400 milje.
Top Channel
