Ish-i dënuari dhuron Bitcoin me vlerë 40 milionë euro për Ministrinë Çeke të Drejtësisë 29/05 20:04
Elon Musk ka kritikuar një nga politikat karakteristike të aleatit të tij të ngushtë, Presidentit të SHBA-së Donald Trump.
Javën e kaluar, Dhoma e Përfaqësuesve e SHBA-së miratoi me një diferencë të ngushtë atë që Trump e quan projektligji i tij “i madh dhe i bukur”, i cili përfshin lehtësime tatimore prej disa trilionë dollarësh dhe një premtim për të rritur shpenzimet e mbrojtjes. Tani projektligji do të shkojë në Senat.
Gjiganti i teknologjisë, Musk, i tha partnerit amerikan të BBC-së, CBS News, se ishte “i zhgënjyer” nga plani, të cilin e ndjeu se “minon” punën që ai bëri për presidentin për uljen e shpenzimeve.
Musk u regjistrua si ‘cari i Trumpit’ që synonte uljen e kostove – duke i dhënë fund fondeve për ndihmën e jashtme të SHBA-së, ndër të tjera projekte – përpara se të njoftonte se do të tërhiqej. Ai gjithashtu tha së fundmi se do të shkurtonte shpenzimet e tij politike.
“Sinqerisht, u zhgënjeva kur pashë faturën masive të shpenzimeve,” tha Musk në intervistën me CBS Sunday Morning. Ai vazhdoi duke argumentuar se plani i Trump “rrit deficitin buxhetor, jo vetëm e zvogëlon atë”.
Mendohet se legjislacioni mund ta rrisë deficitin – ose diferencën midis asaj që shpenzon qeveria amerikane dhe të ardhurave që ajo merr – me rreth 600 miliardë dollarë në vitin e ardhshëm fiskal.
Për më tepër, projektligji “minon punën që po bën ekipi Doge”, tha Musk, duke përdorur akronimin e organit këshillimor për uljen e kostove, Departamentit të Efikasitetit të Qeverisë.
Duke iu referuar nofkës së Trump për projektligjin, Musk tha se “Mendoj se një projektligj mund të jetë i madh ose i bukur. Nuk e di nëse mund të jenë të dyja.”
Top Channel
