“S’pranova amanet prej saj”, rrëfimi rrëqethës i Agron Llakajt për humbjen e të shoqes: Doja të vdisja, e përcollëm si nuse të bukur 10/11 00:30
Jennifer Lopez shkaktoi reagime të shumta në rrjet pas një performance shumë të komentuar në “American Music Awards 2025”, të mbajtur të hënën në Las Vegas.
Këngëtarja dhe aktorja u shfaq në skenë me një paraqitje plot pasion, duke puthur balerinët e saj para miliona shikuesve.
Performanca vjen vetëm pak muaj pas ndarjes nga aktori Ben Affleck dhe u pa nga shumë si një tentativë për të lënë pas të kaluarën, megjithëse publiku ishte i ndarë në mendime.
Në skenën madhështore të hapjes, Lopez interpretoi 23 këngë të njohura nga artistë të nominuar, përfshirë hitet “Birds of a Feather” të Billie Eilish, “Espresso” nga Sabrina Carpenter dhe “Texas Hold ‘Em” nga Beyoncé.
Mirëpo, reagimet në rrjet ishin të forta. Performanca u përshkrua nga disa si “e sforcuar”, “e pakëndshme” dhe një “përpjekje e dëshpëruar për vëmendje”. Momenti në të cilin ajo puthi një prej balerinave të saj në skenë u cilësua si “i panevojshëm” dhe “pa shije”.
“Jennifer Lopez e ka humbur busullën plotësisht”-shkruante një përdorues në platformën X (ish-Twitter).
Pavarësisht debatit rreth performancës së J.Lo, nata i përkiste Billie Eilish, e cila dominoi çmimet duke fituar në të gjitha shtatë kategoritë ku ishte e nominuar.
Top Channel
