Nga suksesi në kufirin e mbijetesës, si ia shkatërroi jetën inteligjenca artificiale inxhinierit veteran 24/05 23:00
Presidenti ukrainas Volodymyr Zelensky njoftoi nëpërmjet Telegramit se 307 ushtarë ukrainas u kthyen sot në shtëpi në një shkëmbim të burgosurish të rënë dakord me Rusinë.
Më herët, Ministria ruse e Mbrojtjes njoftoi lirimin e 307 ushtarëve rusë.
Shkëmbimi i të burgosurve, më i madhi që nga fillimi i ofensivës ruse kundër Ukrainës, po zhvillohet si pjesë e një marrëveshjeje që do të përfshijë lirimin e një totali prej 1,000 të burgosurish nga secila palë gjatë një periudhe tre-ditore dhe u propozua nga Donald Trump.
Gjatë fazës së parë, pala ukrainase dhe ruse liruan dje nga 390 të burgosur dhe të paraburgosur secila.
Ministri i Jashtëm rus, Sergei Lavrov, tha dje se Moska është gati t’i paraqesë Ukrainës një plan që do të përfshinte kushtet ruse për një marrëveshje paqeje, sapo të përfundojë lirimi i të burgosurve nga të dyja palët.
Nga ana ruse, procesi i lirimit të të burgosurve u shoqërua me një bombardim të Kievit gjatë natës me dronë me rreze të gjatë veprimi dhe raketa balistike, gjatë të cilit u plagosën 15 persona.
Top Channel
